برۆسیا و مان ستى بۆ تۆلڤه‌كرنێ دێ به‌رامبه‌ر یۆڤانتۆس و به‌رشه‌ بن

برۆسیا و مان ستى بۆ تۆلڤه‌كرنێ دێ به‌رامبه‌ر یۆڤانتۆس و به‌رشه‌ بن

وار – دهۆک :

ئه‌ڤ شه‌ڤه‌ لده‌مژمێر 10:45 خوله‌ك دوماهی ب یاریێن قۆناغا 16ێ یا چامپیۆنزلیكێ ب دو یارییان بهێنه‌كرن، ده‌مێ هه‌ردو یانه‌یێن به‌رشه‌لۆنه‌ و برۆسیا دۆرتمۆند مێڤاندارییا مانچسته‌ر ستى و یۆڤانتۆسێ دكه‌ن.
به‌رشه‌لۆنا(ئسپانیا) × مانچسته‌ر ستى(ئنگلیزى)
چاڤه‌رێیه‌ ئه‌ڤ شه‌ڤه‌ یانه‌یا مانچسته‌ر ستى ل یاریگه‌ها كامب نۆ بیته‌ مێڤانه‌كا ب زه‌حمه‌ت بۆ یانه‌یا به‌رشه‌لۆنا، هه‌رچه‌نده‌ یارییا بۆریدا یانه‌یا به‌رشه‌ شیابوو سه‌ركه‌ڤتنێ دناڤ یاریگه‌ها مان ستى ب دو گۆلان به‌رامبه‌ر گۆله‌كێ بینیت، له‌وا دڤێ یاریێ دا دێ ئه‌ركێ یانه‌یا ئنگلیزى گه‌له‌ك یێ ب زه‌حمه‌ت بیت، دبه‌رامبه‌ردا یانه‌یا به‌رشه‌ دێ ب پێكهاتێ خۆ یێ نموونه‌یی كه‌ت، پشتى راهێنه‌رێ وێ ئینریكى د یارییا بۆریدا ده‌لیڤه‌ دایه‌ یاریكه‌رێن سه‌ره‌كى و لجهێ وان یاریكه‌رێن یه‌ده‌ك ئیناینه‌ خارێ د یارییا واندا دگه‌ل یانه‌یا ئیبار د خولا لالیگایێ دا، د یارییا واندا یا ئه‌ڤ شه‌ڤه‌ لویس ئینریكى یێ گه‌شبینه‌ سه‌ركه‌ڤتنێ لسه‌ر یانه‌یا ئنگلیزى دوباره‌ بكه‌ت و ده‌ربازبیته‌ قۆناغا هه‌شتێ، ژلایێ خۆڤه‌ مانۆێل بلگرینى راهێنه‌رێ مان ستى یێ گه‌شبینه‌ ب هاتنا یاریكه‌رێ ئیگوارى یایا تۆرێ ئه‌وێ د یارییا بۆریدا پشكدارى نه‌كرى، من باوه‌رى یا هه‌ى كو دێ یانه‌یا به‌رشه‌لۆنا راوه‌ستینین و ده‌لیڤه‌یا ده‌ربازبوونێ ژێ وه‌رگرین.
برۆسیا دۆرتمۆند(ئه‌لمانیا)× یۆڤانتۆس(ئیتالیا)
یانه‌یا برۆسیا دۆرتمۆند یا ئه‌لمانى خۆدانا رێزا دووێ یا وه‌رزێ 2013ێ، ل یاریگه‌ها سیگنال ئیدۆنا پارك یا باژێرێ دۆرتمۆند دێ مێڤاندارییا یانه‌یا یۆڤانتۆس یا ئیتالى كه‌ت، دڤێ یاریێ دا یانه‌یا ئه‌لمانى یا گه‌شبینه‌ دۆڕاندنا یارییا بۆرى قه‌ره‌بوو بكه‌ت، ده‌مێ ب دو گۆلان به‌رامبه‌ر گۆله‌كێ تووشى دۆڕاندنێ بووى، ژبه‌ركو دناڤ ئه‌ردو جه‌ماوه‌رێ وێدایه‌ و ئه‌وا هه‌تا نۆكه‌ ژ سه‌رجه‌مێ 14 یاریێن خولا ئۆرۆپایێ دا شیاى 11 سه‌ركه‌ڤتنان ل یاریگه‌ها خۆ بینیت، هه‌ر وه‌سان دۆرتمۆند د هه‌فت یاریێن خۆ یێن خولا بۆندسلیگایێ دا ب سه‌ركێشییا راهێنه‌ر یۆرگن كلۆپى بێى دۆڕاندن یاریێن خۆ بدوماهیك ئیناینه‌، ژلایێ خۆڤه‌ ژى راهێنه‌رێ یۆڤانتۆس ماسیملیانۆ ئه‌لگیرى دبێژیت جۆ جوداهى دناڤبه‌را ڤێ یاریێ و یاریا 1997ێ دا نینه‌ ده‌مێ ئه‌م شیاین لسه‌ر كێستێ دۆرتمۆند بناسناڤى بهێنه‌ خه‌لاتكرن، هه‌ر وه‌سان یانه‌یا ماسیملیانۆى نۆكه‌ لسه‌رێ لیستا خولا ئیتالیا دهێت و ب جۆداهییا 14 خالان ژ نێزیكترین هه‌ڤڕكا خۆ ئه‌وژى یانه‌یا رۆمایه‌ ئه‌وا لرێزا دووێ دهێت ب 50 خالان، دڤێ یاریێ دا راهێنه‌رێ ناڤبرى پلانه‌كا جۆدا ژیارییا بۆرى یا داناى و یێ گه‌شبینه‌ ده‌ربازبیته‌ قۆناغا هه‌شتێ.

بابه‌تێن ب ڤێ مژارێ ڤه‌ گرێدای