بريارا هه‌لگرتنا چه‌كی بێ مۆله‌ت گه‌هشته‌ كیڤه‌؟

عیماد ئالیخان

پشتی كو ل رۆژا 1/7/2018 پارێزگارێ دهۆكێ كۆمبوونه‌كا ئاسایی دگه‌ل لیژنا بالا یا ئه‌منی و هه‌می لایه‌نێن په‌یوه‌ندیدار ل پارێزگه‌ها دهۆكێ ئه‌نجامدای ژ بو پاراستنا گیان و سامانێ وه‌لاتیان و د ڤێ كۆمبوونێ دا هنده‌ك خال هاتنه‌ به‌رچاڤكرن كو ئێك ژ وان خالان ژی ل سه‌ر هه‌لگرتنا چه‌كێ بێ مۆله‌ت بوو ژلایێ هاولاتیان ڤه‌. ل ده‌ستپێكێ ده‌ستخۆشیێ ل جه‌نابێ پارێزگاری و هه‌موو جهێن په‌یوه‌ندیدار دكه‌م ژ بۆ ده‌ركرنا ڤێ بریارا شارستانی و بۆ پاراستنا ژیانا هاولاتیان ژ هه‌ر روودانه‌كا ژ هه‌لگرتنا چه‌كی روو دده‌ت، ژ به‌ركو نها زۆربه‌یا خه‌لكێ دهۆكێ گه‌له‌ك جورێن چه‌كی د مالێن وان دا هه‌نه‌ و بێی كو ده‌ستوریا هه‌لگرتنا وی چه‌كی هه‌بیت، له‌وا دبینین سه‌را بچیكترین كێشه‌ په‌نایێ بۆ بكارئینانا چه‌كی دبه‌ن و روودانێن كوشتنێ په‌یدا دبن، نموونه‌ ژی ل سه‌ر ڤێ چه‌ندێ به‌ری چه‌ند رۆژان ل پارێزگه‌ها دهۆكێ و ل چیایێ زاوا گه‌نجه‌كی فیشه‌كه‌ك ل خوه‌ دایه‌ وژ ئه‌نجامێ وێ برینداربوو و هاتبوو ره‌وانه‌كرن بۆ نه‌خۆشخانا ته‌نگاڤیان ل دهۆكێ، بێ گومان ڤی گه‌نجی مۆله‌تا هه‌لگرتنا چه‌كی نه‌بوویه‌، ئه‌گه‌ر مۆله‌تا هه‌لگرتنا چه‌كی هه‌بیت ژی چاوا كه‌سه‌كێ سنێله و د ڤی بارۆدوخێ ئالۆز یێ ئه‌و تێدا دژیت و مۆله‌تا هه‌لگرتنا چه‌كی هه‌بیت؟! له‌وا من دڤێت رۆنكرنه‌كێ ل سه‌رڤی بابه‌تێ بده‌م كو ئه‌و كه‌سێ مۆله‌تا هه‌لگرتنا چه‌كی هه‌بیت دڤێت ژ لایێ ده‌روونی ڤه‌ یێ ساخله‌م بیت و چ كێشه‌ نه‌بن، چ پۆلیس بیت یان پێشمه‌رگه‌ یان هاولاتیه‌كێ مه‌ده‌نی و ته‌مه‌نه‌كێ گونجای یێ ده‌ستنیشانكری هه‌بیت بۆ وی كه‌سێ چه‌كی هه‌لدگریت و ژ لایێ كه‌سانێن بسپۆر د بوارێ ده‌روونی دا ئه‌ڤ پێنگاڤه‌ بهێته‌ هاڤێتن، داكو گیانێ وه‌لاتیان یێ پاراستی بیت ژ هه‌ر روودانه‌كا كو ژ ئه‌نجامێ هه‌لگرتنا چه‌كی په‌یدا دبیت. ژلایەکێ دی ڤە گه‌له‌ك روودانێن كوشتنێ مه‌ د ده‌زگه‌هێن راگه‌هاندنێ و سوشیال میدیایێ دا دیتینه‌ كو سه‌ده‌م و بكه‌رێ وێ روودانێ پۆلیس یان پێشمه‌رگه‌نه‌، هه‌رچه‌نده‌ ئه‌وان مۆله‌تا ئاسایی یا چه‌ك هه‌لگرتنێ ژی هه‌یه‌، لێ دبیت ژلایێ ده‌روونی ڤه‌ نه‌ د وی ئاستێ ساخله‌میێ باش دا بن یان كێشه‌یێن جڤاكی و خینداری هه‌بن یان هه‌رده‌م یێ تۆره‌یه‌، یان ژی بارێ وان یێ ئابووری یێ لاواز ئه‌و نه‌چاركرینه‌ په‌نایێ بو بكارئینانا چه‌كی ببه‌ن و ژ ئه‌نجامێ ڤان هه‌می خالان یێن من ئاماژه‌ پێدای كو ل ده‌ڤ وی كه‌سی هه‌ی یێ كو چه‌ك د ده‌ستان دا دبنه‌ ئه‌گه‌رێ په‌یدابوونا شه‌ر و روودانێن خوه‌كوشتنێ یان كه‌سانێن ده‌وروبه‌رێن خوه‌. ((مه‌به‌ستا من ل ڤێره‌ ئه‌و نینه‌ كو هه‌موو كه‌سێن دده‌زگه‌هێن ئه‌منی دا ئه‌ڤ خاله‌ یێ ل ده‌ڤ هه‌ین، ژ به‌ركو خزمه‌ت و ماندیبوونا وان جهێ رێزێ یه‌ و ئه‌و ئێمناهیا نوكه‌ ل پارێزگه‌ها دهۆكێ هه‌ی ل چ پارێزگه‌هێن دی یێن عیراقێ نینه‌ و ئه‌ڤه‌ ده‌رئه‌نجامێ خه‌بات و ماندیبوونا وانه‌ و ئه‌و جهێ رێز و ئیحترامێ نه‌)). ل دووماهیێ هیڤیا من ژ جهێن شوله‌ژێ ئه‌وه‌ کو راستە بریارا هه‌لگرتنا چه‌كێ بێ مۆله‌ت بریاره‌كا شارستانی یه،‌ لێ دڤێت دیڤچوون و دراسه‌كا باشتر بۆ بهێته‌ دیتن و ژ هه‌موو ته‌خێن جڤاكی بگریت، داكو ئه‌م ئێدی روودانێن شه‌ر و كۆشتنێ ژ ئه‌نجامێ هه‌لگرتنا چه‌كی نه‌بینین و گوهلێنه‌بین.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.