بدلیس.. ھەنگەڤان بەرھەڤییا چوونا زۆزانان دکەن

بدلیس.. ھەنگەڤان بەرھەڤییا چوونا زۆزانان دکەن

WAAR-دهۆك:

ھەنگەڤانێن باژارکێ خیزانێ سەر ب پارێزگەھا بدلیسێ ڤە ل باکۆرێ کوردستانێ، بەرھەڤییا چوونا زۆزانان و سەرێ چیایێن بلند دکەن بۆ بەرھەمئینانا ھنگڤینێ سروشتی.
ھەنگەڤانێن بدلیسێ ل سەرێ چیایێن سێ ھزار مەتران ژ ئاستێ دەریایێ بلند، کارێ خۆدانکرنا مێشێن ھنگڤینی دکەن داکو ھنگڤینەکێ سروشتی بەرھەم بینن، ئەو ھنگڤینێ ل وان دەڤەران ژی بەرھەم دئینن تام و بێھنەکا خۆش ژێ دھێت و کوالێتیا وی ژ ھنگڤینێ دی باشترە.
ھەنگەڤانێن بدلیسێ ل سەرێ وەرزێ پائیزێ مێشێن خوە ڤەدگوھێزنە دەڤەرێن گەرم، دوبارە د گەل ھاتنا بھارێ بەرھەڤییا چوونا سەر بلنداھیێن چیایان دکەن.
ئەو ھنگڤینێ ل سەرێ چیایان دھێت بەرھەمئینان سروشتیە و یێ ھاریکارە بۆ باشترکرنا رەوشا ئابۆری یا خەلکێ وێ پارێزگەھێ.

بابه‌تێن ب ڤێ مژارێ ڤه‌ گرێدای