بجهـ ئینانا سۆزان

بجهـ ئینانا سۆزان
ديندار مستةفا
​زۆرجاران دھێتە گوتن کو کەسێن سیاسی ھەردەم سۆزان ددەن و جێ بەجێ ناکەن. دبیت ئەڤ گوتنە ل ھند جە و وەلاتان و نموونەییەکا کەتواری بیت. لێ ئەڤ گوتنە ل ھەرێما کوردستانێ بەرۆڤاژی دبیت. ئانکو گوتن و کریار دبنە ئێک. نەخاسمە لدەڤ کەسێن میناکێن وەکە رێزدار نێچیرڤان بارزانی. ناڤبری بەریا دوو سالان ب ئاوایەکێ ئاشکرا ل سەر شاشەیێن راگەھاندنێ ل پێش چاڤێن خەلکەکێ گوت سوزێ ددەینە فەرمانبەر و ھەڤوەلاتیێن خۆ کو قەیران و سیستەمێ پاشەکەوتێ موچەی نامینیت. بێگومان ژی ئەڤرۆکە ب ھەمان رێک و شێواز ل سەرھەمان شاشە و ل پێش چاڤێن ھەمان خەلکی ئەو سوزا دایی جێ بەجێکر. ئەڤەژی ئێکەژ تایبەتمەندیێن کەسێن کارێزمایی دواری سیاسەتێدا. ھەمی کەسانێن سیاسی نەشێن ب ئاشکرایی ھەرتشی بۆ ھەڤوەلاتیێن خۆ شرۆڤە بکەن و بێژن. ئەگەر کەسێن راستگونەبن دگەل خۆ دەروبەرێ خۆ. ھەرچەندە زۆر دروشم ژلایێ نەیارێن حکومەتا ھەرێما کوردستانێڤە دھاتنە گوتن و بلندکر. کو تا رادەیەکێ جورە گومانەک لدەڤ خەلکێ کوردستانێ پەیداکربوو. ئانکو ئەوان شەرێ دەروونی برێک و شێوازێن جودا جودا دگەل خەلکێ ھەرێمێ دکر. بەلێ ھەبوونا کەسێن میناکێن رێزدار نێچیرڤان بارزانی و ھەول و گاڤێن وی یێن وێرەک نەھێلا تابورێ پێنجێ بکارێ خۆ رابیت. ھەمی دروشمێن وان ب نەوەیی و بەرۆڤاژی ل قەلەم دان. ھەروەسا ژلایەکێ دیژیڤە رۆل و خۆراگریا خەلکێ ھەرێمێ بگشتی و یێ موچەخوران بتایبەتی ب ھەمی سێکتەرێن میری، پالپشت و ھاندەرەکێ دیترێ ھاریکاربوو ژبوی وێ چەندێ ئەو قەیرانا کو ژ دەرئەنجامێ ھند فاکتەرێن نەخواستی پەیدابووی ل ھەرێما کوردستانێ ب ھەرشێًوەیەکێ ھەی ئارام دەرباز ببیت یان بێژین ھەرنەمینیت. ھەبوونا قەیرانا ل ھەر وەلاتەکێ تشتەکێ نورمالە. لێ زۆرجاران وەلاتێن خودان ئەزمون و سەروەریەکا مەزن ژی زی ب زی کەسانێن دەستھەلاتدارێن وی وەلاتی نەشێن ب راشکاوانە ب ئەوپەرێ راستگوتنێ بێژن وەلاتێ مەتوشی قەیرانێ بوو. ژترسا تێکچونا رەوشا ئەولەھیێ و ئیفلاس بوونا حکومەتێ و دارمانا سێکتەرێ ئابوری و بلندبوونا رێژا بێکاریێ و ئارێشێن جودا جودایێت دیتر. بەلێ ل کوردستانێ سەرۆک وەزیران نێچیرڤان بارزانی ب وێرەکانە و راشکاوانە گوت ئەم یێت توشی قەیرانێ بووین، و داخاز ژ خەلکێ خوراگرێ کوردستانێ کر، تەحەمولا ڤان سالان بکەن. ئەز وە دلنیادکەم کو دێ ئەڤ قەیرانە تێپەریت و نامینیت. ئەڤەژی ئەوپەرێ راستگوییا سیاسیە ل دەڤ خودێ جەنابێ وی ھەی. لەورا دڤێت ئێدی ب ھەبوونا کەسێن وەکە وی ل کوردستانێ ئەم ھەردەم ب شانازڤە باس ل کاریزماییا جەنابێ وی بکەین. چونکی ئەو کەتوارێ بسەر ھەرێما کوردستانێ دا ھاتی دھەمیا سالێن بوری دا وەکو: برینا بودجێ ھەرێما کوردستانێ ژلایێ بەغداڤە و شەرێ داعشێ، ھەبوونا زێدەتری ملیونەک و پێنسەد ھزار ئاواران و داکەتنا بھایێ پەترۆلێ و گرتنا سنور و فروکەخانەیێن ھەرێمێ…ھتد. ب ئاسانی دەربازنەبوون. بەلکو ب ھەول و گاڤ و بێداریا جەنابێ ناڤبری ئەڤرۆکە ئەو ئاستەنگی ھاتنە ڕاکرن و کوردستان بەرەڤ کەنارێن ئارام ئاراستەکر و سوزا خۆ ژی بجە ئینا.

بابه‌تێن ب ڤێ مژارێ ڤه‌ گرێدای