باھۆزا ئیرما ئەڤرۆ دێ گەھیتە فلۆریدا

باھۆزا ئیرما ئەڤرۆ دێ گەھیتە فلۆریدا

WAAR-دهۆك:

ترس هه‌یه‌ ئەڤرۆ باھۆزا ئیرما بگەھیتە ویلایەتا فلۆریدا ل ئەمریکا و حاکمێ وێ ویلایەتێ ژی داخواز ژ وەلاتییان کرییە، خوە ب پارێزن.
باھۆزا ئیرما کو بۆ دەما پێنج رۆژانە دەست پێ کرییە كو ب ئێك ژ ترسترین باھۆزان دهێته‌ هه‌ژمارتن، نھا گەھشتییە کۆبا و پێشبینی دھێتە کرن ئەڤرۆ بگەھیتە سنۆرێ ویلایەتا فلۆریدا ل ئەمریکا.
ریک سکۆت، حاکمێ وێ ویلایەتێ ژ ترسا زیانێن وێ باھۆزێ، بڕیار دایە شەش ملیۆن و سێسەد ھزار وەلاتییان ژ مالێن وان دەربێخیت.
ھەروەسا ژ وان وه‌لاتییان ژی خواست، ئه‌وێن ناخوازن ژ مالێن خوە دەربکەڤن، د مالێن خوە دا بمینن و نەھێنە سەر جادەیان.
باھۆزا ئیرما ل دەڤەرێن کاریبی د ئۆقیانۆسێ ئەتلەسی دا دەست پێ کرییە و ل گۆر زانیاریێن سەنتەرێ پیڤانا باھۆزان یا ئەمریکی، لەزاتییا وێ باھۆزێ گەھشتییە سێسەد کیلۆمەتران د ساتەکێ دا.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.