باکۆرێ کوردستانێ.. 7 گەریلا ھاتنە ھنگافتن

باکۆرێ کوردستانێ.. 7 گەریلا ھاتنە ھنگافتن

WAAR-دهۆك:

تورکیا ھنگافتنا 7  گەریلایێن پەکەکێ ل ھەردو پارێزگەھێن ئامەد و دێرسمێ یێن باکۆرێ کوردستانێ راگەھاند.
ل گۆرەی بەیانەکا وەزارەتا ناڤخوە یا تورکیا، شڤێدی فرۆکەیێن شەرکەرێن سوپایێ تورکیا ھەژمارەکا پێگەھین پەکەکێ ل گۆندەوارێن پارێزگەھا دێرسم یا باکۆرێ کوردستانێ کرن ئارمانج.
ژێدەری دیار کر؛ د بۆمبەباران دا ھەژمارەکا پێگەھین گەریلایان ھاتن ژناڤبرن، 2 گەریلا ژی ھاتنە ھنگافتن.
دا زانین ژی: ئەڤرۆ ل گۆندەوارێن باژارکێ لجێ یێ سەر ب پارێزگەھا ئامەدێ ڤە ژی د ئۆپەراسیۆنەکا فەرماندارییا جەندرمەیان کو ب ھەماھەنگی دگەل فرۆکەیێن شەرکەر کریە، 5 گەریلا ھاتینە ھنگافتن.
شەروپەڤچوون دناڤبەرا سوپایێ تورکیا و گەریلایێن پەکەکێ رۆژانە ل پرانییا دەڤەرێن باکۆرێ کوردستانێ بەردەوامن، پرانییا جاران ژی ئەو شەروپەڤچوونە زیانێن گیانی و مادی یێن ھەردو ئالییان ل دووڤ خوە د ھێلن.

بابه‌تێن ب ڤێ مژارێ ڤه‌ گرێدای