باکۆرێ کوردستانێ.. قەیومەک ل شوونا شارەدارێ باژارۆكێ گولپێ ھات دانان

باکۆرێ کوردستانێ.. قەیومەک ل شوونا شارەدارێ باژارۆكێ گولپێ ھات دانان

WAAR-دهۆك:

دەستھەلاتدارێن تورکیا هه‌ڤشارەدارێن باژارۆکێ گولپێ ، گوگسییێ و سۆرا ئامه‌دێ گرتین ، قەیومەک بۆ باژارۆکێ گۆلپێ دانا.
ئاژانسا ئەنادۆل بەلاڤکر: مەھمەت فاتیح تاش کو ئەندامێ ھەدەپێ یە و شارەدارێ باژارۆکێ گۆلپێ یە، ھێزێن ئەمنی ژ بەر ھێرشا تیرۆرستی یا باژارۆکێ گۆلپێ یێ سەر ب دیاربەکرێ ڤە گرتبوو، موستەفا گۆزلەت وەک قەیووم ل شوونا وی دانا.
ژ ئالیێ خوەڤە نائل کادرھان، پەیامنێرێ وار یێ باکۆرێ کوردستانێ دیار کر؛ پۆلیسێن تورکیا ل سەر رێیا پارێزگەھێن ئەرزرۆم و ئەرزنگانێ یێن باکۆرێ کوردستانێ، حەفت کەس دەستەسەر کرن کو مەلیکە گۆکسو، ھەڤشارەدارا ناوچەدارییا گوگسییێ یا سەر ب ئەرزرۆمێ ڤە و دو ئەندامێن جڤاتا وێ ژی د گەل دا بوون.
پەیامنێرێ وار دا زانین ژی: ئەڤرۆ دادگەھا سزایێن گران یا ئامەدێ، فیلیز بولوتەکین ھەڤسەرۆکا شارەدارییا سورێ ب سووچا پشتەڤانیکرنا پەکەکێ ب دەھـ مەھان سزادا.

بابه‌تێن ب ڤێ مژارێ ڤه‌ گرێدای