بانکا ناڤدەولەتی ھۆشدار ل دۆر رێژەیا بەکاربەریێ دانە ئیراقێ

بانکا ناڤدەولەتی ھۆشدار ل دۆر رێژەیا بەکاربەریێ دانە ئیراقێ

WAAR-دهۆك:

ئەندامەکێ جڤاتا نوونەرێن ئیراقێ راگەھاند؛ بانکا ناڤدەولەتی ھۆشداری داینە ئیراقێ ژبەرکو ئاستێ بەکاربەریێ د بودجا گشتییا فیدرال دا گەھشتییە ھێلا سۆر.
ریاز محەمەد، ئەندامێ جڤاتا نوونەرێن ئیراقێ ژ فراکسیۆنا سائیروون د داخویانییەکا رۆژنامەڤانی دا راگەھاند؛ بانکا ناڤدەولەتی حکومەتا ئیراقێ ئاگەھدار کرییە کو ئاستێ بەکاربەریێ د بودجا گشتییا فیدرال دا، گەھشتییە ھێلا سۆر.
ریاز محەمەد ئاشکرا کر، رێژەیا بەکاربەیێ ئاستێ سەدێ بیست و پێنج دەباز کرییە، ئەو یەک ژی ئاماژەیەکا ب ترسە ل سەر رەوشا دارایی یا ئیراقێ، حکومەت ژی نەشێت چو کەسان دامەزرینیت و پرۆژەیان بجھـ بینیت.
پەرلەمانتارێ ئیراقێ ئاشکرا ژی کر، کێمکرنا رێژەیا بەکاربەریێ پێدڤی ب کاراکرنا کەرتێ تایبەت ھەیە، ھەروەسا رێژەیا خەرجییان بۆ وەبەرھێنانێ بھێت گوھارتن. ‌
حەفتییا بۆری سندۆقا ناڤدەولەتی یا دراڤی داخواز ژ حکومەتا ئیراقێ کر بوو، خەرجیێن کەرتێ کارەبێ کێم بکەت و چاکسازییان د کەرتێ بانکی دا بکەت.

بابه‌تێن ب ڤێ مژارێ ڤه‌ گرێدای