بالغبوون چ ل ھزرا گەنجان دکه‌ت؟!

بالغبوون چ ل ھزرا گەنجان دکه‌ت؟!

Capture

وار – كوردۆ رۆژهات :

بالغبوون گوهۆڕینە د کوڕان و کچان دا و زێده‌تر ئه‌ڤ گوهۆڕینه‌ ژ روویێ کۆئەندامێ زاوزێ، پاشان کۆئەندامێن دی دگریتەڤە و هنده‌ك ھۆڕمۆن گەشە دکه‌ن و ھنده‌ک ژى بۆ ئێکەمجار سەرھەلددەن، لێ دڤێت بزانین ب تنێ ئه‌ڤه‌ کاریگەرییا بالغبوونێ نینن لسەر کوڕان و کچان، بەلکو كۆمه‌كا کاریگەریێن دەروونى ژى ھەنە کو دبیت ژ کاریگەریێن لسه‌ر له‌شێن وان گرنگتر بن، لێ کێمتر گرنگیێ پێ دهێته‌ دان.
پێدڤییە سەرپەرشتیارێن کوڕ یان کچێن ژنوو بالغ بووین، ئەڤان تشتان بزانن:
ئێکەم: کاریگەریێن لسەر ھزر و دەروونێ کەسێ ژنوو بالغبووى گه‌له‌كن، دبیت کارڤه‌دانێن دەروونى یێن نه‌چاڤه‌ڕێكرى پەیدا بکه‌ت، وەکو زوو تووڕەبوون، یاخیبوون، دو دلی د بڕیاردانێ دا و گه‌له‌ك کاریگەریێن دەروونی یێن دی هه‌نه‌.
دووەم: گەله‌ک جاران ئه‌ڤ كه‌سێن ژنوو بالغ دبن، وه‌سا دبینن كو ئێدى وان هه‌وجه‌یى ب دایبابێن خوه‌ نەمایە و وان ب خوه‌ شیانێن هه‌موو كاران هه‌نه‌، لێ وان هه‌ر هه‌وجه‌یى ب هاریكارییا دایبابێن خوه‌ هه‌یه‌ هه‌تا دگه‌هنه‌ ژیێ پێگه‌هشتنێ.
سێیەم: د ژیێ بالغبوونێ دا، سنێله‌ د ململانه‌یەکا توند دایە دگه‌ل وێ ئێكێ كا ئایا ئه‌و ژ بال كه‌سێن دى ڤه‌ دهێته‌ په‌سه‌ندكرن یان نه‌، ھەروەسا تا چ ئاست ئه‌و ب خوه‌ ژ شێوه‌ و سیمایێ خوه‌ رازییه‌، ب تایبەتی کو ئاوایێ لەش و سیمایێ وان گوهۆڕین ب سه‌ر دا دهێن، بۆ نموونە کێشا لەشى د ئافره‌تێ دا و قەبارەیێ مه‌زنبوونا مەمکان، بینا و قەبارەیێ ماسوولکان ژى د كوڕان دا.
چوارەم: سێکس و دیارکرن یان چەسپاندنا ناسنامەیا تایبەت هنده‌ك پرسێن دى نه‌ كو سنێه‌لیان مژوول دكه‌ن. ئه‌ڤجا ژبه‌ر ڤێ ئێكێ د ڤێ قۆناغێ دا ئانكو بالغبوونێ ب هوورى ئاگه‌هدارى وان و ره‌فتار و كریارێن وان بن.

بابه‌تێن ب ڤێ مژارێ ڤه‌ گرێدای