باغۆز.. شەر و پەڤچوونێن دژوار دەست پێ کرینە ڤە

باغۆز.. شەر و پەڤچوونێن دژوار دەست پێ کرینە ڤە

WAAR-دهۆك:

پشتی ھزار تیرۆرستێن داعشێ رەت کری خوە رادەستی ھەسەدێ بکەن، شەر و پەڤچوونێن دژوار د ناڤبەرا وان و ھەسەدێ دا دەست پێ کرینە.
ژێدەرێن نووچەیان یێن رۆژئاڤایێ کوردستانێ یێن نێزیکی ھێزێن سووریایا دیمۆکراتیک، ھەسەدێ، دیار کر؛ شەر و پەڤچوونێن دژوار د ناڤبەرا شەرڤانێن ھەسەدێ و تیرۆرستێن داعشێ دا ل باغۆزا بچووک کو دەڤەرەکا ھەری بچووک یا باشۆرێ رۆژھەلاتێ باغۆزێ یا ل سەر رووبارێ فراتی یە، دەست پێ کرینە و شەرڤان پێشڤە چووینە و ل سەر پێشڤەچوونا بەردوامن.
بەری نھا عەدنان عەفرینێ، سەرکردەیێ ھەسەدێ راگەھاندبوو؛ ب ھزاران تیرۆرستان خوە رادەستی ھێزێن وان کرییە، لێ نێزیکی ھزار تیرۆرستان ل باغۆزا بچووک ماینە و رەت دکەن خوە رادەست بکەن و بریارا شەری دایە.

بابه‌تێن ب ڤێ مژارێ ڤه‌ گرێدای