بازنەین گرتی

جەگەر مەحەمەد رێکانی

ل دەست پێکێ من دفێت پسیاربکەم چ بوویە ئەگەر کو جڤاکێن روژئاڤای پێشکەفتنێ رەها ببینن د هەمی بواران دا و جڤاکێ مە وەک وان نە چیتە د بەراوردیا پێشکەفتنێ دا؟ هەلبەت زۆر ئەگەر هەنە و من دڤێت ئاماژە ب وێ بازنەیا گرتی یا جڤاکێ مەبکەم کو تەنانەت د هندەک ئاینان دا کو مرۆڤ بمینیتە د بازنەیا خۆ دا ئەرکە و خێرە! هەژار هەر بمینیت هەژار، نەخویندەوار هەر بمینن نەخوینەوار و پێچەوانەیا ڤێ راستە.. بەرپرس هە ر بمینن بەرپرس و زارۆکێن وان هەر بمینە ڤە د ڤێ بازنا گرتی دا و ئەڤ بازنەیە تشتەکێ باوە ل وەلاتێ هندێ، نەبوونا دەلیڤەیەکا یەکسان بۆ هەمی تاکێن جڤاکی د هەمی بواراندا خواندن و خۆ دەرێخستن و خۆ کاندیت کرن ژ بۆ پلەیێن حکومی و جڤاکی و هەر وەسا نەبوونا هێز و پلانەکا درست ژلای تاکێن جڤاکی و هەر وەسا پلەدان و پلە بەرزکرن و دانا دەلیڤێن زێدە بوو هندەک کەسان و نەدان بۆ هندەک کەسین دی ئەگەرێ سەرکی یێ ڤەنەبوونا ڤێ بازنەیا گرتینە، ل زۆر وەلاتان پشتی ئەف بازنە هاتینە ڤەکرن کەسێن بسپۆر و خودان هزر و داهێنان تەنانەت سەرکردەیێن ب هێز و خودان جەماوەر دەرکەفتینە ژ وان وەلاتان هند کو نموونەیا ڤان کەسان زۆرن، هەروەسا نەبوونا دەلیڤەکا یەکسان د بوارێ بازرگانی و وەبەرهێنانێ دا وەکریە کو ئەڤ بوارە یێ قورخکربیت بۆ میناک کەسەک کو ژ بازنەیا دەولەمەندان بیت شیانێن وەرگرتنا هەمی ئاسانکاریێن بازرگانی و وەبەرهێنانێ هەیە ژ لایێ حکومەتێ و تەنانەت ل رویێ جڤاکی باوەرپێکریترە و ئەڤە پێچەوانەیە بۆ کەسێن دی، نەبوونا یاسایەکا گشتگیر و یەکسان بۆ هەمی تاکێن جڤاکی و هەروەسا دانا پلە و پوستان وەک دیاری بۆ کەسان و نەدیتنا جڤاکی و حکومەتێ بۆ پلە و پوستان وەک ئەرک نەک وەک کارەک بۆ خزمەتکرنا خۆ یا تاکە کەسی وەکریە کو هەمی کەس ڤان پلەیان وەربگرن و بازنەیا وان یا خۆشگوزەرانی ب گرتی بمینیت پێچەوانە بازنەیا هندەکێن دی ب هەژاری وەک خۆ بمینیت، خەلاتكرن ژبەر کارێن بابێ و سزادان ژبەر کارێن بابێ شەنگەستێ مانەڤەیا ڤان بازنێن گرتینە کو نەبنە ئاراستە ین درێژ، هەر تاکەک ب گوێرەی هێز و شییانێنن خۆ بەرەف ئارمانجێن خۆ، تاكه چارەسەریا گشتگیر دانانا کەسێن هەژی بۆ کارێن هەژی و دانانا کەسێن تەکنوکرات بۆ پلە و پوستان دیر ژ هزرا بەرتەنگا حیزبی و جڤاکی و دانەڤەیا ئازادی د هەلبژارتنا کار و ئارەزوویان و ڤەکرنا دەرگەهان ل هەمبەر کەسان ژ رویێ جڤاکی شەنگستێ ڤەکرنا ڤان بازنەیانە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.