بارزانی بۆ هنارتیێ نه‌ته‌وه‌یێن ئێكگرتی: رێفراندوم دێ د ده‌ما خوه‌ دا هێته‌ كرن

WAAR-دهۆك:

سه‌رۆكێ هه‌رێما كوردستانێ پێشوازی ل هنارتیێ تایبه‌ت یێ نه‌ته‌وه‌یێن ئێكگرتی بۆ ئیراقێ كر و دیدارێ دا بارزانی دیاركر كو ریفراندۆم مافێ یاسایی و ئاسایی یێ خه‌لكێ كوردستانێ یه‌ ، دێ د ده‌ما خوه‌یا دیار كری دا هێته‌ كرن.
لگۆر مالپه‌رێ سه‌رۆكایه‌تیا هه‌رێمێ، مه‌سعوود بارزانی سه‌رۆكێ هه‌رێما كوردستانێ ل سه‌لاحه‌دین پێشوازی ل یان كۆبیش هنارتیێ تایبه‌ت یێ نه‌ته‌وه‌یێن ئێكگرتی بۆ ئیراقێ كر و د دیدارێ دا ره‌وشا سیاسی و په‌یوه‌ندیێن نها و پاشه‌رۆژێ یێن هه‌ولێر و به‌غدا هاتن به‌حسكرن، هنارتیێ تایبه‌ت یێ نه‌ته‌وه‌یێن ئێكگرتی ئاماژه‌ ب بووچوون و تێبینیێن نه‌ته‌وه‌یێن ئێكگرتی ل دۆر رێفراندۆمێ و دانوستاندنێن هه‌ولێر و به‌غدا كرن.
د هه‌مبه‌ر دا مه‌سعوود بارزانی سه‌رۆكێ هه‌رێما كوردستانێ بۆ هنارتیێ نه‌ته‌وه‌یێن ئێكگرتی دوپات كر كو بریارا ئه‌نجامدانا رێفراندۆمێ، بریارا گه‌لێ كوردستانێ و مافه‌كێ یاسایی و ئاسایی یێ خه‌لكێ كوردستانێ یه‌، هه‌روه‌سا پرۆسه‌یا رێفراندۆمێ دێ د ده‌ما خوه‌ یا دیاركری دا هێته‌ كرن.
بارزانی دیار ژی كر: گه‌لێ كوردستانێ دێ به‌رده‌وام بیت ل سه‌ر پاراستنا سه‌قامگیری و پێكڤه‌ ژیان، لێبۆرینا ل هه‌رێما كوردستانێ و ده‌ڤه‌رێ.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.