بادینان بڕبڕا پشـتا پارتی یە

دلۆڤان ئەمجەد بارزانی

ھەردەم منێ گۆتی بادینان بـڕبـڕا پشتا پارتی یە، ھندی بادینان ھەبیت چجارا پارتی ناکەڤیت و بێھێز نابیت، لەوما بلا چجارا دۆژمن کەیفا خۆ خۆش نەکەن و بێژن بێ مووچەیی و قەیرانا ل کۆردستانێ دێ متـمانا خەلکی بەرامبەر پارتی کێم کەت. نەخێر ئەڤێ چەندێ چ بۆ نینە، ھەر کەسەکێ ڤێ ھزرێ دکەت ھزرا وی یا بەتالە، چۆنکێ بێ مووچەیی و قەیران و ھزار ئاڕیشێت دی یێت بڤی رەنگی کارتێکرنێ ل پشتەڤان و لایەنگرێت پارتی ناکەت. ئەم ھەمی باش دزانین ل دەستپێکا دەست پێکرنا شۆرەشا کۆردی ھەتا شۆرەشا ئەیلوول و گۆلانێ ژی خەلکێ ب شەرەفێ کوردستانێ ب گشتی و خەلکێ بادینان ب تایبەتی ل سەنگەرێت بەرگریێ کرنێ ل کوردستانێ ب ڕێبەریا بابێ رۆحی یێ نەتەوا کۆرد “مەلا مستەفا بارزانی ” ل ھەمبەر دۆژمنی راوەستان سەنگەرێت بەرگری و پاراستنا ئاخا کوردستانێ چوول نەکرینە. لێ دوی دەمی دا چ مووچە نەبوون، لەوما دێ بێژمە لایەنگرێت وان پارتا ئەوێت ل بادینان شکەستنەکا بەرچاڤ ئینای، چۆنکێ من د شۆسیال میدیایێ دا دییت گەلەکا ئاخفتنێت دویر ژ راستیێ دگۆتن و نەشیان وێ راستیێ قەبیل بکەن کۆ پارتێت وا ل بادینان باوەری نەمایە راستیا راست بۆ خەلکی دیار بوو. لەوما من دڤێت بێژمێ ھین گەلەك ب بیرتەسکی ھزر دکەن دلێ خۆش ب بێ مووچەیێ و قەیرانێ و ئاریشان خۆش نەکەن، چۆنکێ ئەڤە ھەمی د کاتی نە کارتێکرنێ ل جەماوەرێ ب شەرەفێ پارتی دیموکراتی کوردستانێ ناکەن. وان خەیالێت بێ شۆل لسەرێ خۆ بینەدەرێ، ئێدی خەلکی راستی دیت و بۆ وان دیاربوو کا کێش پارتە یا بەرخودان و خەباتێ، کێش پارتە یا شەھیدا یا پێشمەرگەی و د بەرژەوەندیا مللەتی دایە. ئەڤە چەندین سالە ب ھزاران شەھید مە پارتیا دان بۆ ئازاد کرنا ئاخا پیرۆزا کوردستانێ سینگێ خۆ کرە چەپەر بەرا دۆژمنا دا، نۆکە ژی ل سایا وێ خەبات و بەرخودانێ ل سایا وا شەھیدا ئەوێن مردن ھەلبژاردی بۆ پاراستنا مللەتی کۆرد، ل سایا وان پێشمەرگێت قارەمان کۆ ھەتا نھا ژی یێل سەنگەریێت شەری و بەرخودانێ، ئەمێت ل کوردستانەکا ئارام و ئازاد دژین، ھەمی نەتەوە بێ جوداھی، ب سەرۆکایەتیا “مسعود بارزانی” پئکڤە ژیان ل کۆردستانێ یا بەردەوامە. ب راستی جھێ داخێیە پارتەك ئەڤە چەند سالەکێن کێمن ھاتی بێ خەبات بێ خزمەت بێ ھەمی، دبێژن وێ ھزرێ ژی دکەن کۆ ل پێش پارتی بکەڤیت و دەنگان زێدەتر ب دەست ڤە بیبیت. ب راستی کەنیا مڕۆڤی ب عاقلێ ڤان دھێت “ما گەلۆ مە خەلکێ کوردستانێ کا ب گۆھان خاریە” یان ژی ئەم دکۆرە بووین مە چ تشت و غیانەت ب چاڤان نە دیتن. وەکی وان پارتا ئەڤێن کار و ئەرکێ وان بەس دژایەتیا پارتی یە ل ھندێ زێدەتر چ تشتێ دی نزانن ، بەس بلا بزانن کۆ مەزنا یا گۆتی: “بەحر ب دەڤێ سەی پیس نابیت”. پارتی پارێزەر و خزمەتکارا خەلکێ کۆردستانێ یە لەوما خەلکی ژی تەخسیری نەکر و ب چاڤ روونی دەنگێ خۆ دا. بادینان ژی وەفاداری و ئێك دەنگیا خۆ بۆ پارتا دیموکراتا کوردستانێ دیار کر و سەلماند ب دەنگێ خۆ بۆ ھەمی عیراقی دا دیارکرن کۆ بادینان بڕبڕا پشتا پارتی یە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.