باباجان: نەشێم بێدەنگ بم

باباجان: نەشێم بێدەنگ بم

WAAR-دهۆك:

وەزیرێ بەرێ یێ ئابۆرا تورکیا دیار کر کو ئەو نەشێت بێدەنگ ببیت و بریارا دەستبکاربوونێ دایە، ژ بەر کو دیمەنێ تورکیا خەمگینە.
عەلی باباجان، وەزیرێ بەرێ یێ ئابۆرا تورکیا و جێگرێ بەرێ یێ سەرۆکێ وەزیرێن تورکیا د داخویانییەکێ دا راگەھاند: سەدەما دەستژکارکێشانا وی ژ پارتییا داد و گەشەپێدانێ، ئاکەپێ پشتی ھەژدە سالێن ئەندامەتییا وێ، جوداھییێن دلینی و ھزری یێن وی بوون د گەل وێ پارتییێ دا کو ژ وان پرەنسیپان دوورکەفتبوو یێن ل سەر ھاتی دامەزراندن، وەک مافێن مرۆڤی، ئازادییێن گشتی، دیمۆکراسی و فرەئالی، سەروەرییا یاسایێ کو وی باوەری پێ ھەیە و بەرگرییێ ژێ دکەت، لەورا ژی ب دوورکەفتنا ئاکەپێ ژ وان پرەنسیپان، دیمەنێ نھا یێ خەمگین یێ تورکیا سەرھلدا.
باباجانی ھەروەسا ئاماژە دا کو تورکیا ژ گەلەک قەیرانان دنالیت، ھەر ژ ئازادییان و مافێن سەرەکی و دادوەرییێ تا ئابۆر و سیاسەتا ژدەرڤە.
باباجانی گۆت ژی؛ پێدڤی بوو نێرینەکا نوو بۆ پاشەرۆژا تورکیا ھاتبا دانان، لێ ژ بەر کو ئەو یەک د بن سیوانا ئاکەپە و رەجەب تەیب ئەردۆغانی دا نەمومکنە، پێدڤییا کیانەکێ نوو کو تورکیا ژ رووپەلەکێ سپی دەست پی بکەت، سەرھلدایە.

بابه‌تێن ب ڤێ مژارێ ڤه‌ گرێدای