ئەگەرێن مرنا سۆریلانکی

ئەگەرێن مرنا سۆریلانکی

وار – دهۆک :

ژبەر کو د گەلەک باران دا زارۆک “سۆریلانک” د یقۆناغا داویێ دا بەری ببیت و بهێتە سەر دونیایێ دمریت یان ژی پشتی بوونێ ئێکسەر هندەک دمرن، تا نووکە ژی ھندەک ئەگەرێن وێ چەندێ لجەم نۆشداران نە خۆیا بوون و نەدزانیین ھندەک ئەگەرێن وێ مرنێ چنە، لێ نووکە زانایێن سویدی ل بنگەهێ بایۆلۆجیا گەردیلەیی و زانینگەها “ئۆبسالا” و نەخوەشخانەیا “ئۆبسالا” یا ئەکادیمی دبێژن، ئەوان جینەکێ نوو ئاشکرا کر ئەوێ چێدبیت ئەگەرێ مرنا سۆریلانکی بیت د قۆناغێن دوماهیکێدا ژ بارێ دوگیانییێ.
ئەو زانا ژی پێڤەچوون و گۆت: دبیت ئاشکراکرنا جینێ نوو ژی ببیتە هاریکارەک بۆ زانینا ئەگەرێ مرنا سۆریلانکی بەری و پشتی بوونێ ئێکسەر، و هەروەسا ژی دبیت بهێتە بکارئینان بۆ دەستنیشانکرنا بەری بوونا زارۆکی.
نۆشدارا ژن “کارین یۆرینۆس” ژ نەخوەشخانەیا “ئۆبسالا” یا ئەکادیمی دبێژیت ”گەلەک ئەگەر یێن هەی بۆ مرنا سۆریلانکی د مالبچووکیدا د زکێ دایکێدا، دبیت ئێک ژوان دایک بهێتە هنگافتن ب نەخوەشیەکا ڤەگر، یان ئەو رووڤیکا برێیا وێ خوارنێ بخوە وەردگریت ئانکو وەریسێ سۆریلانکی ئاریشەیەک تێدا دروست بیت، یان گۆهورینەک د کرۆمۆسۆمان دا یان ژی ئاریشەیەک د گەشەکرنێدا یان ژی هەر نەخوەشیەکا دن گرێدای بیت بئەندامەکێ کارتێکرن لسەر ژیانا وی هەبیت، دگەل ئەوێ ژی لێ هەر دمینیت ئەگەرێ مرنا ٥٠ ژ سەدێ ژ سۆریلانکان بەری بوونا وان یێ خوەیا نینە.
جینێ نوو ئەوێ دروست دبیت ژ پێتڤیاتیا ”FADS ” دبیتە ئەگەرێ ژ کارکەفتنا زەڤلەکێن سۆریلانکی و ئەو ژی لدوماهیێ دێ بیتە ئەگەرێ لاوازیا لڤینا سۆریلانکی و کێمبوونا لەزاتیا وەرارا وی ئانکو گیرۆبوونا وەرارێ و تێکچوونا گرێچکێن وی و کێمبوونا وەرارا سیھێن وی، لەوما ئەو سۆریلانکێ دنالیت ژ وان نەخوەشیان دێ جانێ خوە ژ دەست دەت بەری بوونێ یان ژی پشتی بوونێ ئێکسەر.
زانایان ئاماژە ب وێ یەکێ ژی دا کو ٤ بوون ژ هەر ١٠٠٠ بوونێن ساخلەم، دمرن د قۆناغا پێشکەفتیدا ژ بارێ دوگیانیێ پشتی ٢٨ هەفتیان.

بابه‌تێن ب ڤێ مژارێ ڤه‌ گرێدای