ئەڤ قووناغە ژی تێپەری!

شێرزاد نایف
ھەروەکو قووناغەکا سەخت ب سەر مللەتێ مە را دبۆریت، راستە ژی خەلکەک بێزاربوویە ژ ڤێ رەوشا دژوار یا ب سەر مەدا ھاتی، ژ ھەمی جۆرێن قەیران و ماندیبوونێ و شەرێ دەروونی یێ وەلاتێن ھەڤسۆی و ل بەری ھەمیان ژی یا حوکمەتا ناڤەندی ب خوە، کو ئەنجامێن ریفراندۆمێ بۆ خوە کربوونە بەھانە و خواستن زیانان بگەھیننە ھەرێما کوردستانێ و ب ستەما خوە بھۆژینن، لێ ھەر وەکو شەنسێ ڤێ قووناغێ یا درێژ نەبوویە و ژ نیڤ سالێ نەبۆری، من ب خوە گۆتارەک ب مانشێتێ (تەنگاڤی د دۆم کورتن) نڤیسابوو، ل دەسپێکا تیژبوونا گەمارۆیا عیراقێ ل سەر ھەرێما کوردستانێ، ھەروەکو نیاز و پیڤاژۆیا حوکمەتا ھەرێما کوردستانێ و ب تایبەتی کەسێ نێچیرڤان بارزانی پێئاگەهـ بوو کو دێ شێت ڤی بارێ گران ل سەر ملێ خوە و کابینەیا خوە ب سەرکەفتیانە راکەت و حوکمەتا عیراقێ نەچاری ھندێ کەت بێتە ئاشێ ھویر! (وەکو پەندەکا بەھدینی دبێژیت). ژ وێ کەربێ بێتە خار یا کو گەھشتیە وی رادەیی ھێزێن حەشدێ و یەکەیێن سەربازی یێن عیراقێ ئیناینە سەر ھەرێمێ و ھەولێن ژناڤبرنا حوکمەتێ بکەن و تێپەری سنۆرێن وێ ببن، ھەلبەت ب پشتەڤانیا وەلاتێن مەزن مینا ئیران و تورکیا و زلھێزێن دیتر! جاران ژی ھەر دانپێدان ب سازیێن کوردی نەدکرن و ھەمی تشت بڕین ب تنێ مابوو ئۆکسجینی ژ خەلکی نەبڕن! سیاسەتا نەرم ژی یا نێچیرڤان بارزانی ھەر ب وێ بەرسڤدانا نەرم شیا ھەڤسەنگیێ بەرەڤاژی بکەت و ھەر دگۆت ئەڤ قووناغا سەخت ژی دێ تێپەریت، ئەو پاریێ تەحل داعیرا و رەخنە ب سەرێ خوە، ئەجیندەیێن دەرکی ل رەخەکی، ئاریشا کەرکووکێ و پێشمەرگەی و پشکەکا گەندەلیێ ژ رەخەکێ دی ڤە، ھەتا ئەڤرۆ مە ب چاڤێ خوە و وەکو بەری چەندەکێ کۆنگرەیێ رۆژنامەڤانی یێ سەرۆک وەزیران نێچیرڤان بارزانی گەلەک خال کەفتنە سەر پەیڤان و ئەو پێنگاڤێن سەرۆک وەزیرێن عیراقێ حەیدەر ئەلعبادی ل بەرە پێشکێش بکەت، مێشک باوەرناکەت چو ژ بەر نێزیکبوونا پرۆسا ھەلبژارتنێن عیراقێ یان ژ بەر سەدەمەکێ دیتر، ئەم یێن دبینین پشتی چەندین دانوستاندن و ھەولێن بەرھەمھێنەر عەبادی ژ ڤی دەستی چوو دەستێ دیتر و مللەتێ کورد ژی ئەو دەسکەفتێ گرنگ کرە د بەریکا خوە دا یا ئەنجامێ ریفراندۆمێ، پەیام گەھشتە جیھانی، ھەر وەسا ژی ژیان دێ ڤەگەرێتە سەر رەوشا بەری ھینگی (وەزعێ شەریکێ) وەکو دبێژن! دەربارەی راگرتنا گەمارویا ل سەر فرۆکخانەیان و چاڤەرێکرنا حوکمەتا عیراقێ و ھنارتنا مووچەیێ پشکەکێ ژ فەرمانبەران و ئەو پەیوەندیا تەلەفۆنی یا دناڤبەرا ھەردو سەرۆک وەزیران دا و ئەو گۆتارا نەرم کو دلێ خەلکێ ھەرێمێ و عیراقێ خۆشکری! زێدەباری رەتکرنا سەرۆک کۆمارێ عیراقێ فوئاد مەعسووم بۆ ڤەگەراندنا بۆدجەی بۆ پەرلەمانی ژ بەر ل بەرچاڤوەرگرتنا داخوازیێن کوردان، مانێ سیاسەت ئەڤەیە ھونەرێ مومکیناتان.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.