ئەڤرۆ روونشتنا دادگەھکرنا رێڤەبەرا ھواوی دێ دەستپێکەت

ئەڤرۆ روونشتنا دادگەھکرنا رێڤەبەرا ھواوی دێ دەستپێکەت

WAAR-دهۆك:

روونشتنا دادگەھێ یا رێڤەبەرا کاروبارێن دارایی یا کۆمپانییا ھواوی یا چینی ئەڤرۆ ل کەنەدا دێ دەستپێکەت.
مینگ ڤانگۆ، رێڤەبەرا کاروبارێن دارایی یا کۆمپانییا ھواوی یا چینی کو ل رۆژا ئێکێ مەھا کوونا ئێکێ ل سەر داخوازا ئەمریکا ب تۆمەتا بنپێکرنا سزایێن واشنتۆنێ ل سەر تەھرانێ ل کەنەدا ھاتبوو دەستەسەرکرن، بریارە ئەڤرۆ بچیتە ھەمبەر دادگەھێ.
ل رۆژا ئەینیا بۆری ئێکەم روونشتنا کەفالەت یا وێ دەستپێکربوو و د روونشتنا ئەڤرۆ یا دادگەھێ دا دێ بریارەک ل سەر چارەنڤێسێ وێ ھێتە دان.
نھا مینگ ڤانگۆ د زیندانێ دایە و گەر د روونشتنا ئەڤرۆ دا ب سەردابرنا زێدەتر ژ ئێک سازیا نێڤدەولەتی ھاتە تۆمەتبارکرن، د بیت حوکمێ سیھـ سالێن زیندانێ بۆ دەربکەڤیت و وەزارەتا داد یا ئەمریکا ژی دخوازیت ئەو ژنە رادەستی وان بھێتە کرن.

بابه‌تێن ب ڤێ مژارێ ڤه‌ گرێدای