ئەپل ئەڤ شەڤە دێ ھژمارەکا بەرھەمێن خوە یێن نوو ئێخیتە د بازاری دا

ئەپل ئەڤ شەڤە دێ ھژمارەکا بەرھەمێن خوە یێن نوو ئێخیتە د بازاری دا

WAAR-دهۆك:

د پێشانگەھەکا تەکنۆلوجی یا سالانە دا بریارە ئەڤ شەڤە کۆمپانییا ئەپل ھژمارەکا بەرھەمێن خوە یێن نوو نیشا بکارئینەرێن خوە ل جیھانێ بدەت.
بەرھەمێن نوو یێن ئەپلێ پێکدھێن ژ سێ جۆرێن نوو یێن ئایفۆنان کو ب ئایفۆن ئیکس ناسیارن، کودێن وان ژی پێکدھێن ژ ئایفۆن ”ئێکس ئێس” و ”ئیکس سی” ھەروەھا ”ئێکس ماکس”.
ژبلی بەرھەمێن ئایفۆنان، کۆمپانییا ئەپل دێ دەمژمیرێن نوو ”ئای وۆچ”، ئایپاد و کۆمپیۆتەرێن ماک ژی ئێخیتە د بازاری دا، کو ھەر یەک ژ وان ھژمارەکا تایبەتمەندییان ب خوە ڤە دگرن.
ل گۆرەی وان زانیاریێن کۆمپانییا ئەپل بەلاڤکرین، قەبارەیێ ئایفۆنان دێ بچووکتربن ژ بەرهەمێن پێشتر و تایبەتمەندییا نیاسینا سەروچاڤان دێ تێدا بیت ژبۆ پاراستنێ و ئاسان ب کارئینانا وێ و بۆھایێ ئایفۆن ”ئێکس ئێس” دێ نێزیکی ھزار دۆلارێن ئەمریکی بن، ھەروەھا ئایفۆن ”ئیکس سی ”دێ کێمتر ژ نەھـسەد دولاران ھێتە فرۆشتن.
بریارە ئەو پێشانگەھا کۆمپانییا ئەپلێ ئەڤ شەڤە سات ھەشت ب دەما کوردستانێ ل پارکا ئەپل ل ویلایەتا کالیفۆرنییا ل ئەمریکا بھێت ڤەکرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.