ئەو كریارێن ژ خیانه‌تا هه‌ڤژینیێ خه‌ته‌رتر

ئەو كریارێن ژ خیانه‌تا هه‌ڤژینیێ خه‌ته‌رتر

Capture

وار – دهۆک :

ب نێرینا پترییا خه‌لكى، زانینا وێ راستیێ كو هه‌ڤژین یان خوه‌شتڤیێ/ا ته‌ دگه‌ل هه‌ڤالێ/ا خوه‌ ده‌مێ خوه‌ دبه‌ته‌ سه‌رى، ئه‌ڤه‌ سه‌ده‌مێ سه‌ره‌كیێ ژێكڤه‌بوونا ژن و مێرانه‌ یان ژى دبیته‌ سه‌ده‌ما تێكشكاندنا وێ په‌یوه‌ندییا خورتا كو لسه‌ر بنیاتێ ڤیان و باوه‌ریێ هاتییه‌ دانان.
لێ ئه‌و خالێن كو خوارێ ئاماژه‌ پێ هاتینه‌ كرن، هه‌ر چ ناچنه‌ د ناڤ كڤانێ خیانه‌تا هه‌ڤژینیێ دا، لێ ئارمانجا وان گه‌له‌ك ژ خیانه‌تا هه‌ڤژینێ كاریكه‌رتر و خه‌ته‌رتره‌ لسه‌ر تێكچوونا په‌یوه‌ندییا د ناڤبه‌را دو كه‌سان، ب تایبه‌ت د ناڤبه‌را ژن و مێران دا. ئه‌و خاله‌ ژى ئه‌ڤه‌نه‌:
1ــ هێلانا خوه‌شتڤییا/ێ ته‌ بێى چو سه‌ده‌مه‌كا رۆن و به‌رچاڤ، كچه‌ك دبێژیت: ”من پێ باشتره‌ خوه‌شتڤیێ من خیانه‌تێ ل من بكه‌ت، نه‌كو بێژیت؛ ئێدى من تو نه‌ڤێى”.
2ــ زه‌لامه‌ك دبێژیت: ”ئاشكراكرنا ڤێ نهێنییا كو ژنا من یان خوه‌شتڤییا من به‌رى نوكه‌ باوه‌رییا تمام ب زه‌لامه‌كێ دى هه‌بوویه‌، ئه‌ڤه‌ گه‌له‌ك ژ خیانه‌تا هه‌ڤژینیێ ب ئێش و ئازارتره‌. له‌و ژى كه‌سێن شاره‌زا د بوارێ جڤاكى دا ئاماژەیێ ب وێ ئێكێ دكه‌ن كو چو هه‌وجه‌ى هندێ ناكه‌ت، ژن نهێنیێن بۆرى یێن تایبه‌ت ب ڤیانا خوه‌ ڤه‌ بۆ هه‌ڤژینێ خوه‌ ئاشكرابكه‌ت، ژبه‌ركو چو زه‌لامه‌ك حەزناكه‌ت بزانیت كو به‌رى هینگێ هه‌ڤژینا وى دگه‌ل چو كه‌سه‌كى په‌یوه‌ندیێن خورتێن حه‌زژێكرنێ هه‌بووینه‌.
3ــ پشكه‌ك ژ خه‌لكێ وه‌سا دبینن، ڤه‌شارتنا وێ راستیێ كو تووشى بكارئینانا مادده‌یێن بێ هۆشكەر بووى یان مه‌ى ڤه‌دخۆى، ئاشكرابوونا وان بۆ هه‌ڤژین یان خوه‌شتڤییا ته‌ ب هه‌مان ئاوایێ خیانه‌تا هه‌ڤژینییا ب خه‌ته‌ره‌. ئه‌ڤجا ژبه‌ر ڤێ ئێكێ بزاڤێ بكه‌ هه‌موو راستییان بۆ كه‌سێن نێزیكى خوه‌ بێژى، به‌رى كو ئاشكرابوونا وان ببیته‌ سه‌ده‌ما ژێكڤه‌بوونا ته‌ و هه‌ڤژینا ته‌.
4ــ زه‌لامه‌ك دبێژیت: ”چو تشت ژ وێ ئێكێ ب ئازرتر نینه‌ كو خوه‌شتڤییا من بێژیته‌ من؛ ناخوازم تو ببییه‌ بابێ زاڕۆیێن من.
5ــ ئاشكراكرنا نهێنییەكییا تایبەت لده‌ف كەسه‌كێ دى و زانینا وێ ئێكێ، ئه‌نجامه‌كێ خوه‌ش ب دووڤ خوه‌ دا نائینیت.
6ــ ئەنجامدانا گه‌له‌ك كاران، دبیت ژێكڤه‌بوونا هه‌ڤژینان ب دووڤ خوه‌ دا بینیت، گه‌له‌ك جاران هه‌ڤژین یان خوه‌شتڤییا ته‌ بزاڤێ دكه‌ت ب زیره‌كییا خوه‌ نهێنییا ب ته‌ بده‌ته‌ ئاشكران، بۆ نموونه‌ دێ بێژیت: هه‌كه‌ر د ده‌مێ كریارا سێكسى دا دگه‌ل كه‌سه‌كا دى سه‌رخوه‌ش بوویى، دێ ل ته‌ بۆرم، هەر چەندە ئه‌و زه‌لامه‌ دێ بێژیت؛ به‌لێ بەلێ سەرخوه‌ش بووم كو من خیانەت ل ته‌ كر، لێ ئه‌ڤ راستگۆییه‌ دێ پەیوەندی و باوه‌رییا هه‌وه‌ ئێخیته‌ د خه‌ته‌رێ دا.
7ــ بكارئینانا ئێك ژ زاڕۆیان ب دژى باب یان دایكێ، ئاشكرابوونا وێ ئێكێ دێ په‌یوه‌ندییا دناڤبه‌را خێزانێ دا لاوازكه‌ت.
8ــ ئاشكراكرنا نهێنیێن ژن یان زه‌لامى لده‌ف بابى و هایداربوون ژ وێ گه‌فه‌ لسەر پەیوەندییا د ناڤبه‌را دو كه‌سان دا، ب تایبه‌ت هه‌ڤژینان.
9ــ دبیت جاره‌كێ دره‌وكرن زیانێ ب پەیوەندییا خێزانی یان ڤیانێ نه‌گه‌هینیت، لێ بەردەوامبوون لسەر دره‌وكرنێ هەموو دره‌وێن بۆرى ژى ل ئاشكرابوونێ نێزیك دكه‌ت.
10ــ خەرجكرنا پارە ژ مالا دایبابان بێى مۆلەتا خودانێ مالێ ژیانێ ب دووڤ خوه‌ دا دئینیت.

بابه‌تێن ب ڤێ مژارێ ڤه‌ گرێدای