ئەنقەرە.. گۆبیتکا سێقۆلی دوپاتی ل ئێکپارچەیا ئاخا سووریێ کر

ئەنقەرە.. گۆبیتکا سێقۆلی دوپاتی ل ئێکپارچەیا ئاخا سووریێ کر

WAAR-دهۆك:

گۆپیتکا سێقۆلییا ھەرسێ سەرۆکێن تورکیا، رۆسیا و ئیرانێ ل ئەنقەرە، دوپاتی ل سەروەری، سەرخوەبوون و ئێکپارچەییا ئاخا سووریێ ل سەر بنەمایێن نەتەوەییێن ئێکگرتی کر.
گۆبیتکا سێقۆلییا ئەردۆغان، پۆتین و رۆحانی ل ئەنقەرە ب داوی ھات و د بەیانەکێ دا ھەرسێ سەرۆکان دوپاتی ل سەروەری و ئێکپارچەیا ئاخا سووریێ کر.
د بەیانا گۆبیتکا سێقۆلی دا ھاتیە، ھێرشێن ئسرائیلێ ل سەر سووریێ، سەقامگیریا وی وەلاتی تێکدایە و سەروەری و ئێکپارچەیا ئاخا سووریێ بنپێکرییە و ئالۆزییێن دەڤەرێ زێدەکرینە.
ھەرسێ سەرۆکان دو‌پات کر، قەیرانا سووریێ ب رێیێن سەربازی چارە نابیت، ئەو قەیران ژی ب تنێ ب رێیا دانوستاندنێن سیاسی و ل ژێر چاڤدێریا نەتەوەیێن ئێکگرتی دێ ب داوی ھێت.
دوپات ژی کر، ئاساییش و سەقامگیریا باکۆر و رۆژھەلاتێ سووریێ ل سەر بنەمایێ رێزگرتن و ئێکپارچەیا ئاخا سووریێ دێ بەرقرا بیت.

بابه‌تێن ب ڤێ مژارێ ڤه‌ گرێدای