ئەنقەرە.. کۆمیتەیا پشتەڤانیکرنا رێفراندۆمێ چەند دیدارێن گرنگ کرن

ئەنقەرە.. کۆمیتەیا پشتەڤانیکرنا رێفراندۆمێ چەند دیدارێن گرنگ کرن

WAAR-دهۆک:

کۆمیتەیا پشتەڤانییا رێفراندۆمێ ل باکۆرێ کوردستانێ، چەندین ھەڤدیتنێن گرنگ ل ئەنقەرەیا پایتەختێ تورکیا کرن.
نایل قادرخان، پەیامنێرێ وار ل باکۆرێ کوردستانێ راگەھاند؛ کۆمیتەیا پشتەڤانیکرنا رێفراندۆما سەرخوەبوونا ھەرێمێ ل باکۆرێ کوردستانێ، د گەل کۆمەلەیێن مافێن مرۆڤی و پزیشکێن تورکیا ل ئەنقەرە کۆمبوون، ھەردو کۆمەلەیان ژی پشتەڤانییا خوە بۆ رێفراندۆما سەرخوەبوونا ھەرێمێ راگەھاند.
قادرخان راگەھاند ژی؛ کۆمیتەیا پشتەڤانیکرنا رێفراندۆمێ د گەل کەمال کلچدار ئۆغلو، سەرۆکێ پارتیا گەل یا کۆماری جەھەپێ کۆم بوون، د گەل چەند سازیێن دی ژی ھەڤدیتن پێکئینان.
سینان چیفت یۆرەک، ئەندامێ کۆمیتەیا پشتەڤانیکرنا رێفراندۆمێ بۆ وار راگەھاند؛ داوی کۆمبوونا وان د گەل عومەر میرانی، نوونەرێ پارتیا دیمۆکراتا کوردستانێ ل باکۆر بوو، پەیاما خوە ژی بۆ ھەموو ئالییان ئاشکرا کریە و داخواز ژ ھەموویان کرییە پشتەڤانیێ ل رێفراندۆما سەرخوەبوونا کوردستانێ بکەن.
کۆمییتەیا پشتەڤانیکرنا رێفراندۆما سەرخوەبوونا ھەرێمێ ژ سیاسەتمەدارێن کورد مستەفا ئوزچەلیک، سەرتاج بۆجاک، سینان چیفت یۆرەک، مەسعوود تەک، سدقی زیلان و چەند کەساتیێن دیێن کورد ل باکۆرێ کوردستانێ پێکھاتیە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.