ئەم هـــەمی گونەهــبارین!

شەوکەت ئامێدی

ئەگەر مرۆڤ ب هووری بەرێ خۆ بدەتە ئەڤان روودانێن نەشرینێن ڤان دو سێ ڕۆژان، نە د شەڤەک و ڕۆژەکێدا هاتینە روودان. ئەڤە هەمی ئەنجامێن لاواز یێن هندەك مرۆڤان و نەبەرپرسایەتييا دەستهه‌لاتێ و بارێ ئابۆریێ ب درێژییا بیست و سێ سالێن چووییه‌. لێ ب کورتی مامۆستا و هەمی موچەخوران، ل ئامێدیێ، زاخۆ و ئاکرێ مووچە وەرنەگرتیە کو خەلکێ ناوچەيا گەرمیان و سلێمانیێ دژی دەستهه‌لاتێ ئەڤی کاری بکەن. مامۆستا و مووچەخور دوورن ژ ڤان کارێن نەشرین. ل قەلادزێ هەواردکەن بژیت پەژاک و ل کەلار هەوارکەن بژی ئاپۆ؟ ئەگەر بژیت پەژاک و ئاپۆ ژ هەناسا کورداينیێ دەرکەڤن، د جهێ خودایە، لێ موخابن ئەڤە ئەنجامێن هاتنا بەسیجێ ئیرانی (قاسم سولەیمانی و وەزیرێ دەرڤەی ئیرانێ) بۆ لایێ سەرۆکێ هەرێمێ ژ بۆ چوونا سەرۆکی بۆ سوریا و بهێزکرنا ئیرانێ ل بەهدینان. دا بشێن دەستهەلاتا تورکیا و ئەمریکا ل هەرێمێ لاواز بكه‌ن و ل دووماهیێ هەرێمێ بێخیتە بن سیبەرا بەغدا. لێ پشتی نەڕازیبوونا هەرێمێ ل سەر ڤێ داخوازیێ. ئەوان پتر دانوستاندن دگەل تەڤگەرا گۆڕان و ئێکەتی و کومەڵا ئیسلامی کرن. ب مەبەستا نەمانا سەرۆکێ هەرێمێ ل سەر پۆستێ خۆ. دا ئیران و تورکیا ب ساناهیتر وەکی گورگا ب کەڤنە هەرێمێ. بۆچی ڕۆسیا بەغدا و ئیران و سوریا و هه‌ڤسه‌رۆكێ په‌یه‌دی سالح موسلم کێشانه‌ ناڤ دانوستاندنان بێی هەرێمێ. ژ لایەکێ دی. بۆچی ئاسایش نەشێت بارەگایێن پارتى ل باژێران بپارێزیت….خۆنیشاندانێن بێدەنگ و بێى توندۆتیژی نیشانێن دیمۆکراتیێنە. لێ ئەڤه‌ خۆنیشاندان نینن، چونکی هەر ئەو ئاڤاهیێن دهێنە سۆتن و دێ هەر ل سەر پشکا جڤاکێ هێنە ئاڤاکرن. ب کورتی بۆچی ئەم هەمی، هەر ئێک چ ل سەر ئاستێ کەسایەتی چ پارتایەتی چ جڤاكێ مەدەنی گونەهبارین؟ چونکی ل ده‌ستپێكێ دەمێ گەندەلیێ دەستپێکری پترییا جڤاکێ د بێدەنگ بوون و ئەوێ د کەڤتە بەر دەستان نيشتیمان و خودێ نە دهاتنە بیرا وان. ل ڤێرە و وێراهە دەست ب نەبەرپرسی و گەندەلى و خوه‌ دزین ژ ڕاستی و بێدەنگبوونا جڤاکى لسەر ڤان کێماتیان و شاشیان ل دووماهیێ بۆ ئەگەرا نەباوەری و کێم بەرپرسیێ ل ناڤ جڤاکێ. هەروەسا نە گوهدان ل کەرتێ چاندن و باج و هاڤینگەهان دا ببیتە هاریکاریەک ژ بۆ قەیرانەکا وەک ئەڤرۆ. هەروەسا ئەو تشتێ مرۆڤی ب گومان دئێخیت بۆچی دڤان خۆنیشادانان دا چو کەس خۆ بەرپرس نزانیت و کەس ب بەرپرسانە ناهێتە بەردەڤێ ڕاگەهاندنێ. ئەڤەیە ترسا مەزن. بلا ئەڤێ ژ بیر نە کەین. نوکە وەزیرێ ناڤخۆ دەستهه‌لات نینە ل دەڤەرا کەسک پۆلیسەکی دامەزرینیت یان ژ جهێ وی ببەت. ڤێجار ئەگەر خودێ نەکەت کورد جارەکا دی ب فەرمی ببنە دو هەرێم دێ چ نەهامەتی روودەت؟.

بابه‌تێن ب ڤێ مژارێ ڤه‌ گرێدای