ئەمریکا ھاریکاریێن نوو پێشکێشی قوربانیێن شەرێ داعشێ دکەت

ئەمریکا ھاریکاریێن نوو پێشکێشی قوربانیێن شەرێ داعشێ دکەت

WAAR-دهۆك:

رێڤەبەرێ ئاژانسا ئەمریکا بۆ پێشڤەبرنا نێڤدەولەتی راگەھاند: دێ ھاریکاریێن دارایی یێن نوو پێشکێشی وان پێکھاتەیێن ئۆلی کەن ئەوێن بەر ب جینوسایدا داعشێ ل ئیراق و سووریێ کەفتین.
مارک گرین، رێڤەبەرێ ئاژانسا ئەمریکا بۆ پێشڤەبرنا نێڤدەولەتی گۆت: د چارچووڤەیێ بزاڤێن حکومەتا واشنتۆن یێن ژ ئالیێ مایک پێنس جێگرێ سەرۆکێ ئەمریکا هاتینه‌راگه‌هاندن بۆ پشتەڤانییا پێکھاتەیێن ئۆلی یێن بەر ب جینۆسایدا داعشێ ل ئیراقێ و سووریێ کەفتین، بریارە ھاریکاریێن دارایی یێن نوو پێشکێشی وان پێکھاتەیان بکەن.
راگەھاند ژی: ئاژانسا ئەمریکا بۆ پێشڤەبرنا نێڤدەولەتی، یۆ ئێس ئەی، 6 ملیۆن و 800 ھزار دۆلار داینە ئاژانسا ئار ئێس یا کاسۆلیکی ب ھەڤپشکی لگەل کلدانیێن کاسۆلیک یێن باژارێ ھەولێرێ داکو وان ھاریکارییان ل سەر خێزانێن ھەژار و دەستکورت به‌لاڤبكه‌ن بۆ دابینکرنا پێدڤیێن سەرەکی و ب سانەھیکرنا ڤەگەریانا وان بۆ دەڤەرێن ئه‌و ژێ هاتین.
ب گۆتنا ئاژانسا ئەمریکی بۆ پێشڤەبرنا نێڤدەولەتی، تا نھا حکومەتا ئەمریکا ب نێزیکی 380 ملیۆن دۆلاران ھاریکاری پێشکێشی پێکھاتەیێن ئیتنی و ئۆلی ل ھەرێما کوردستانێ و باکۆرێ ئیراقێ کرینە.

بابه‌تێن ب ڤێ مژارێ ڤه‌ گرێدای