ئەمریکا: چەکی دفرۆشینە وەلاتێن عەرەبی دا ژ رۆسیا و چینێ نەکرن

ئەمریکا: چەکی دفرۆشینە وەلاتێن عەرەبی دا ژ رۆسیا و چینێ نەکرن

WAAR-دهۆك:

وەزیرێ بەرگرییا ئەمریکا راگەھاند؛ وەلاتێ وی چەکی دفرۆشیتە وەلاتێن عەرەبی دا خوە ژ گەفان بپارێزن و دا چەکی ژ رۆسیا و چینێ ژی نەکڕن.
پاتریک شاناھان، وەزیرێ بەرگرییا ئەمریکا ب وەکالەت بۆ رۆژنامەڤانان راگەھاند؛ ئەو ژ بەر دو ئەگەران چەکی دفرۆشنە سعوودیێ و ئیماراتا عەرەبی، ئێک دا خوە ژ گەفێن ب ترس بپارێزن و ھەروەسا ژبەر پرسێن ئەمنی دا چەکی ژ رۆسیا و چینێ نەکڕن.
داخویانیێن شاناھان ھاتن پشتی وەزارەتا دەرڤە یا ئەمریکا ل مەھا بۆری راگەھاندی؛ بیست و دو گرێبەستێن فرۆتنا چەکی بۆ ئوردن، سعوودیێ و ئیماراتێ ب کۆژمێ ھەشت ملیار و سەد ملیۆن دۆلاران هاتینه‌ ئیمزا کرینە و دێ ب شیوەیەکێ بلەز ئەو گرێبەست ھێنە بجھئینان.
ژ ئالییێ خوەڤە مایک پۆمپییۆ، وەزیرێ دەرڤەیێ ئەمریکا راگەھاند؛ بریار ھاتیە دان ئەو گرێبەست بلەز بھێنه‌ بجھئینان و ئەو چەک زوو بگەھنه‌ وان وەلاتان، دا بشێن بەرسینگێ گەفێن ئیرانێ بگرن.

بابه‌تێن ب ڤێ مژارێ ڤه‌ گرێدای