ئەمریکا پلان بۆ ھنارتنا 120 ھزار سەربازان بۆ رۆژھەلاتا ناڤین ھەیە

ئەمریکا پلان بۆ ھنارتنا 120 ھزار سەربازان بۆ رۆژھەلاتا ناڤین ھەیە

WAAR-دهۆك:

وەزیرێ بەرگرییا ئەمریکا ب وەکالەت پلانەک بۆ ھنارتنا 120 ھزار سەربازان بۆ دەڤەرا رۆژھەلاتا ناڤین پێشکێشی سەرۆکێ ئەمریکا کرییە.
رۆژنامەیا نیویۆرک تایمز یا ئەمریکی ئاشکرا کر، دۆنالد ترامپ، سەرۆکێ ئەمریکا د گەل مەزنە ھاریکارێن خوە بۆ ئاساییشا نەتەوەیی کۆم بوویە، تێدا پاتریک شاناھان، وەزیرێ بەرگرییا ئەمریکا ب وەکالەت پلانەکا سەربازی یا پێشکەفتی پێشکێش کرییە، پێشنیازا ھنارتنا 120 ھزار سەربازان ژی بۆ رۆژھەلاتا ناڤین کرییە.
ل گۆرەی ئاگاھییێن رۆژنامەیا نیویۆرک تایمز، ئەو پلان ھاتیە دانان گەر ئیران ھیرشی ھێزێن ئەمریکی بکەت یان ژی لەز د کارێ دروستکرنا چەکێ ئەتۆمی دا بکەت.
رۆژناما ئەمریکی ئاماژە دا، تا نھا پشتراست نەبوویە کو ترامپ یێ بریارا ڤەکێشانا ھێزێن خوە ژ سووریێ و ئەفغانستانێ دای، دوبارە ھێزێن زێدەتر بھنێریتە رۆژھەلاتا ناڤین.

بابه‌تێن ب ڤێ مژارێ ڤه‌ گرێدای