WAAR-دهۆك:
شاندەکا شارەزایێن ساخلەمیێ و نوونەرێن ژمارەکا کۆمپانیێن ئەمریکی دگەل ترامپی کۆم بوون و داخواز ژێ کر، جگارەیێن ئەلکترۆنی قەدەغە بکەت.
دۆنالد ترامپ، سەرۆکێ ئەمریکا دوهی ل کۆچکا سپی پێشوازی ل شاندەکا شارەزایێن ساخلەمیێ و هەروەسا نوونەرێن کۆمپانیێن پیشەسازی کر و د کۆمبوونێ دا داخواز ژ ترامپی هاتە کرن، ب قانوونەکا فیدرالی جگارەیێن ئەلکترۆنی قەدەغە بکەت.
شاندا شارەزایێن ساخلەمیێ د کۆمبوونێ دا دوپات کر، پێکهاتەیا جگارەیێن ئەلکترۆنی گەلەک ئالۆزە و کارتێکرنا وان ل سەر ساخلەمییا وەلاتیێن ئەمریکی گەلەکە، ب تایبەت ل سەر گەنجێن د بن ژیێ هەژدە سالیێ دا.
