ئەمریکا خواست پشكه‌كا فەرمانبەرێن وێ ژ ئیراقێ ده‌ربكه‌ڤیت

ئەمریکا خواست پشكه‌كا فەرمانبەرێن وێ ژ ئیراقێ ده‌ربكه‌ڤیت

WAAR-دهۆك:

ئەمریکا خواست فەرمانبەرێن نە سەرەکی یێن بالیۆزخانە و کۆنسۆلخانەیا وێ ژ ئیراقێ ده‌ربكه‌ڤن و حكوومه‌تا ئیراقێ ژی راگه‌هاند: ره‌وشا ئه‌منی یا سه‌قامگیره‌.
وەزارەتا دەرڤە یا ئەمریکا د به‌یانه‌كێ دا خواست هەموو فەرمانبەرێن نە سەرەکی یێن بالیۆزخانە و کۆنسۆلخانەیا وێ ل بەغدا و هەولێرێ ب زووترین دەم ڤەگەڕنە ئەمریکا و هه‌روه‌سا دانا ڤیزێ ب وەلاتیێن ئیراقی ژی ب رەنگەکێ دەمکی راگرت.
بالیۆزخانەیا وێ ل به‌غدا ژی به‌یانه‌ك به‌لاڤ كر و تێدا راگه‌هاند: وان باوه‌ری ب شیانێن هێزێن ئێمناهییا ئیراقێ د پاراستنا وان دا هه‌یه‌ و د هه‌مان ده‌می دا ترسه‌ك ژ گه‌فێن هێرشكرنێ ده‌ڤ وان دروست بوویه‌.
وه‌زاره‌تا ده‌رڤه‌ یا ئیراقێ ژی ب رێیا په‌یڤدارێ خوه‌ ئه‌حمه‌د سه‌حافی ئاشكه‌را كر: ره‌وشا ئه‌منی یا ئیراقێ یا سه‌قامگیره‌ و هه‌ماهه‌نگییا وێ ل گه‌ل هه‌موو ئالییان د ئاسته‌كێ باش دا یه‌، ئه‌و ناهێلن گه‌ف ل سه‌ر سه‌روه‌رییا ئاخا ئیراقێ و به‌رژه‌وه‌ندییێن وێ دروست بن.
ئه‌ڤ رێكارێن ئه‌مریكا د ده‌مه‌كی دا دهێت دوهی سوپایێ ئه‌مریكی هۆشداری ژ هێرشێن میلیشاتێن ئیراقی یێن سه‌ر ب ئیرانێ ڤه‌ دان و هێزێن خوه‌ ئێخستنه‌ د ئاماده‌باشییێ دا.

بابه‌تێن ب ڤێ مژارێ ڤه‌ گرێدای