ئەمریکا: دێ کۆمپانیێن خوە ھاندەین وەبەرھێنانەکا زێدەتر ل ھەرێمێ بکەن

ئەمریکا: دێ کۆمپانیێن خوە ھاندەین وەبەرھێنانەکا زێدەتر ل ھەرێمێ بکەن

WAAR-دهۆك:

ویلایەتێن ئێکگرتیێن ئەمریکا راگەھاند؛ ئەو دێ کۆمپانیێن خوە ھاندەن وەبەرھێنانەکا زێدەتر ل ھەرێما کوردستانێ بکەن.
مەسروور بارزانی سەرۆکێ حکومەتا ھەرێما کوردستانێ، ئەڤرۆ پێشوازی ل ماتیۆ تۆلەر بالیۆزێ ئەمریکا ل ئیراقێ کر، د وێ ھەڤدیتنێ دا کو کۆنسۆلێ ئەمریکا ل ھەولێرێ یێ بەرھەڤبوو، تۆلەری دەستبکاربوونا کابینەیا نوو یا حکومەتێ پیرۆز کر و بەرھەڤییا وەلاتێ خوە ژی بۆ ھەر ھەڤکارییەکێ نیشان دا و گۆت: ئەو دێ کۆمپانیێن وەلاتێ خوە ھاندەن وەبەرھێنانەکا زێدەتر ل ھەرێما کوردستانێ بکەن.
ژ ئالیەکێ دیڤە سەرەدانا شاندا ھەرێمێ بۆ بەغدا بلند نرخاند و داخواز کر ھەرسێ سەرۆکاتیێن ئیراقێ رۆلەکێ ئەرێنی بۆ چارەکرنا کێشەیێن د ناڤبەرا ھەولێر و بەغدایێ دا بگێریت.
مەسروور بارزانی ژی: دوپاتی ل بجھئینانا کارنامەیا کابینەیا نوو کر و ب تایبەت د پێشخستنا خزمەتگوزارییان دا، د وارێن خاندن و ساخلەمی و کارەبا و چاندنێ.

بابه‌تێن ب ڤێ مژارێ ڤه‌ گرێدای