ئەمریکا دێ دیڤچوونا داعشییێن رەڤی کەت

ئەمریکا دێ دیڤچوونا داعشییێن رەڤی کەت

WAAR-دهۆك:

لژنەیا ئێمناھییا ناڤخوە یا ئەمریکا داخوازا راپۆرتەکا ھەوالگیری ل دۆر بوویەرێن داوییێ ل رۆژئاڤایێ کوردستانێ و داعشییێن رەڤی، ژ وەزارەتا ئێمناھییا ناڤخوە کر.
بینی تۆمپسۆن، سەرۆکێ لژنەیا ئێمناھییا ناڤخوە یا کۆنگرێسێ ئەمریکا و مایک رۆجەرز، ئەندامێ لژنەیێ، دیار کر؛ زێدەباری ڤەگۆھاستنا تیرۆرستێن داعشێ یێن ھەری بترس ژ باکۆرێ رۆژھەلاتێ سوورییێ بۆ ناڤەندەکا ئەمریکی ل ئیراقێ، لێ سوپایێ ئەمریکا نەشێت پێنجی داعشییێن دی یێن گەلەک بترس ڤەبگۆھێزیت و ترسا رەڤینا وان ھەیە.
تۆمپسۆن و رۆجەرزی گۆت ژی: ژ بەر شیانێن داعشییێن رەڤی یان ژی ھاتین بەردان و دەربازی تورکیا بووین، ئەو ھەست دکەن دبیت ئەو ل سەر ئەمریکا ببن مەترسی، لەورا ئەو داخوازێ ژ وەزارەتا ئێمناھییا نشتیمانی یا ئەمریکا دکەن، دیفچوون و ھەلسەنگاندنەکا ھەوالگیری ل دۆر بوویەرێن داوییێ یێن باکۆرێ رۆژھەلاتێ سوورییێ و رەڤینا داعشییان و ئەگەرێن مەترسییێن ئێمناھییێ بکەن، کو دبیت ل سەر ئەمریکا دبن گەف.

بابه‌تێن ب ڤێ مژارێ ڤه‌ گرێدای