ئەمریکا ب فەرمی داخوازا رادەستکرنا جۆلیان ئەسانژی کر

ئەمریکا ب فەرمی داخوازا رادەستکرنا جۆلیان ئەسانژی کر

WAAR-دهۆك:

ئەمریکا ب فەرمی داخواز ژ بریتانیا کر، جۆلیان ئه‌سانژی دامەزرێنەرێ مالپەرێ ویکیلیکس رادەستی وان بکەن.
وەزارەتا ناڤخوە یا بریتانیا راگەھاند؛ وەزارەتا داد یا ئەمریکا ب فەرمی بەلگەیێن رادەستکرنا جۆلیان ئەسانژی بۆ وان ھنارتن و چەندین تۆمەتێن ئاشکراکرنا نھێنێن ھەوالگیری و سیخۆریێ ل دژی ئێمناھییا ئەمریکا ل سەر وی ھاتینە سەپاندن.
وەزارەتا داد یا ئەمریکا 17  تومەتێن نوو ل دژی ئه‌سانژی ئارستە کرینە و گەر ئەو 17 تۆمەتە ل دژی ھاتن پشتراستکرن، بۆ ھەر تۆمەتەکێ دێ ب 10 سالان ھێت زینداکرن و پێشتر ژی 5 سالێن زیندانێ بۆ دەرکەڤتینە، له‌و دوور نینه‌ بۆ 175 سالان بهێت زیندان كرن.
ئەمریکا ئەسانژ ب وێ یەکێ تۆمەتبار کرییە کو ل سالا 2010ێ ب رێیا شرۆڤەکارەکا ھەوالگیرییا سەربازی یا ئەمریکی، ب ھزاران راپۆرتێن ھەردو ئۆپەراسیۆنێن ئیراقێ و ئەفغانستانێ بەلاڤ کرینە.

بابه‌تێن ب ڤێ مژارێ ڤه‌ گرێدای