ئەمریکا باجا گۆمرکی ل سەر هاورده‌یێن چینی پاشئێخست

ئەمریکا باجا گۆمرکی ل سەر هاورده‌یێن چینی پاشئێخست

WAAR-دھۆك:

زێدەکرنا باجا گومرکی یا ئەمریکا ل سەر کەلوپەلێن چینێ بۆ رۆژا پازدێ مەھا کانوونا ئێکێ ھات پاشخستن.
ئۆفیسا نوونەراتیا بازرگانیا ئەمریکا د بەیانەکێ دا راگەھاند؛ د داوی کۆمبوونا شاندێن بازرگانی یێن واشنتۆن و پەکینێ دا بریار ھاتیە دان ئەو باجا گومرکی یا کو بریار بوو ب بھایێ سێسەد ملیار دۆلاران ل رۆژا ئێکێ مەھا ئیلوونێ ل سەر کەلوپەلێن چینێ بھێتە سەپاندن، بۆ رۆژا پازدێ مەھا کانوونا ئێکێ ھات پاشخستن.
د بەیانێ دا ھاتیە ژی، ئەو کەلوپەلێن کو ئەمریکا ب نیازە باجێ ل سەر ب سەپینیت، ژ کەرتێ تەکنۆلۆژی نە و بەرھەمێن گرێدایی کەرتێ ساخلەمی و ئاسایشا نشتیمانی ژ وێ لیستێ دەرخستینە.
ھەر ژ رۆژا دۆنالد ترامپی بریار دا باجا گومرکی ل سەر کەلوپەلێن چینێ ب سەپینیت تا نھا پەترۆلا جیھانی نەھـ ژ سەدێ یا بھایێ خوە د بازارێن جیھانی دا ژ دەست دایە و دبیت پاشخستنا وێ بریارێ دوبارە لڤینان د بازارێ پەترۆلێ دا بکەت.

بابه‌تێن ب ڤێ مژارێ ڤه‌ گرێدای