ئەلمانیا دێ ھه‌ژمارا سەربازێن خوە د ھەوا دژی داعشێ دا کێم کەت

ئەلمانیا دێ ھه‌ژمارا سەربازێن خوە د ھەوا دژی داعشێ دا کێم کەت

WAAR-دهۆك:

وەزیرا بەرگرییا ئەلمانیا راگەھاند؛ وەلاتێ وێ دێ ھژمارا سەربازێن خوە د ھەوا بەرھنگاربوونا داعشێ دا کێم کەت، لێ دێ ل سەر بەرھنگاربوونا وێ رێکخستنێ بەردەوام بن.
ئۆرزۆلا فۆن دێرلاین سەرەدانا سەربازێن وەلاتێ خوە ل بنگەھێ ئەزرەق ل ئوردنێ کر و راگەھاند؛ پێدڤییە ئەو ل سەر بەرھنگاربوونا داعشێ بەردەوام بن و گۆت؛ نابیت داعش دوبارە ل وان دەڤەران بنەجھـ بیت یێن ھاتینە رزگارکرن.
فۆن دێرلاین راگەھاند ژی؛ ھەوا دژی تیرۆرێ و ئەرکێ جڤاکا ناڤدەولەتی بۆ بەرقرارکرنا سەقامگیریەکا دۆمدرێژ دێ بەردەوام بن.
وەزیرا بەرگرییا ئەلمانیا راگەھاند؛ وەلاتێ وان دێ ھژمارا سەربازێن خوەیێن پشکدار د ھەوا دژی داعشێ دا کێم کەن و چو ھوورکارییێن دی ل دۆر وێ یەکێ ئاشکرا نەکرن.
وەلاتێ ئەلمانیا ب 1200 سەربازان پشکداری ھەڤپەیمانییا ناڤدەولەتی یا شەرێ دژی داعشێ دکەت، 320 ژ وان ل بنگەھێ ئەزرەق یێ ئوردنی بنەجھن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.