ئەلمانیا بۆ تورکیا: دڤێت دادگەهکرنا سترانبێژ جانێ دادپەروەرانە بیت

ئەلمانیا بۆ تورکیا: دڤێت دادگەهکرنا سترانبێژ جانێ دادپەروەرانە بیت

WAAR-دهۆك:

حکومەتا ئەلمانیا رۆنکرنەک ل دۆر گرتنا سترانبێژا کورد جانێ و کچا وێ بەلاڤ کر و راگەهاند: دڤێت دادگەهکرنا وان دادپەروەرانە بیت.
وەزارەتا دەرڤە یا ئەلمانیا د داخویانییەکا نڤیسکی دا راگەهاند: بالیۆزخانەیا ئەلمانیا ل تورکیا نێزیک ل پێڤاژۆیا یاسایی یا سترانبێژا کورد جانێ، ئانکو ساعیدە ئیناج، دنێریت و ژ پار وەرە هەشت جاران سەرەدانا وێ ل زیندانا ستەنبۆلی کرییە.
وەزارەتا دەرڤە یا ئەلمانیا هەروەسا راگەهاند: پێدڤی یە جانێ، کچا وێ و هەر وەلاتییەکێ ئەلمان د زیندانێن تورکیا ڤە، دادپەروەرانە بهێنە دادگەهکرن.
مەها یازدە یا پار جانێ، پشتی پشکداری ئاهەنگەکا هەدەپێ یا بانگەشەیا هەلبژارتنان بووی، ب سووچا ئەندامەتییا پەکەکێ ژ ئالییێ پۆلیسێن تورکیا ڤە هاتبوو گرتن، حەفتیای بووری ژی کچا وێ دیلان ب هەمان سووچ هاتبوو گرتن.

بابه‌تێن ب ڤێ مژارێ ڤه‌ گرێدای