ئەز هزرناکم، ئانکو ئەز نینم

تەحسین ناڤشکی
ديكارتێ فەرەنسی بەری 500 سالان گۆتیە:((ئەز هزر دکم ئانکۆ ئەزێ هەیم)). پشتی وی پتر ژ 400 سالان وەلاتیێ وی سارتەری گۆت: ((ئەزێ هەیم ئانکۆ ئەز هزردکم.)) واتە گۆتنا وی بەرەڤاژ کر. ئەز ل رۆژهەلاتا ناڤین دبێژم:((ئەز هزر ناکم ئانکو ئەز نینم.)) ئەڤە نە تشتەک سەیرە، ژ بەر کو خەلکێ رۆژهەلاتا ناڤین ب گشتی و کوردستانێ ب تایبەتی، هەبوون و نەبوونا وان وەکی ئێکە، چونکە تنێ تشتی بەبەغائی ژ بەردکەن، بێی هزرا خوە د رامانا وی دا دکەن ساناهی جێ بە جێ دکەن. د رەوشەنبیریا مە یا دینی و ئەشیرێ و ئۆجاخێ دا گەلەک تشت هەنە ئەم رامانا وان نزانین و ئەم دبێژین و ژ بەردکین پێگریێ پێ دکەین، بێی کو دگەوهەر و مەبەستێن وێ بگەهین کانێ مەسەلە چیە، لێ چونکی بووینە دابونەریتێن مەنە و ئەم ملکەچیێ بۆ دکەین بێی کو پسیارا رامانا وی بکەین راستە یان شاشە. گەلەک جاران دەمێ مناقەشە ژی لسەر وان جۆرە عورف و عەدەتێن مە بەبەغایی ژ بەر کرین دهێتە کرن ژی هەتا سەرهەستی ئەم بەرگریێ ژ وی کولتۆری دکین. ئەڤە ژ وێ چەندێ دیاردبت کو هەر ئێکی ژمە بازنەک هزری هەیە و ب چو رەنگان نەیێ بەرهەڤە داگێڕانێ ژ وی بازنەی بکت و هەتا خوە گەنگەشەیێ لسەر بکەت، ژ بەر کو ژبلی وی تشتی چو تشتێن دی د سەری دا نینە، هەتا نەیێ بەرهەڤە خوە تێبگەهینت ژی. پرسیار ئەوە: ئەرێ هەکە جڤاکەک ب گشتی رێژەیەک کێم تێنەبت، نەیێ بەرهەڤبت خوە بگوهۆڕت و تنێ رەوشەنبیریا خوە ژ مەرجەعیێن دینێ و عەشیرێ وەربگرت بێی کو تێبگەهت دروستە یان خەلەتە، هەبوون و نەبوونا وی جڤاکی بۆ چیە؟ ئەرێ هەکە خەلکەک دی بهێت شوونا وی باشتر نابت، وەک دیکارتی و سارتەری و زانا فیلۆسۆفێن دی هەبوونا خوە ب دیتنێن جودا براگەهینن؟

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.