ئەردیش.. د 22 رۆژان دا 90 کەس ھاتینە دەستەسەرکرن

ئەردیش.. د 22 رۆژان دا 90 کەس ھاتینە دەستەسەرکرن

WAAR-دهۆك:

ل ناوچەدارییا ئەردیشێ یا وانێ، تنێ د 22 رۆژان دا نۆت وەلاتییێن کورد ھاتینە دەستەرکرن کو 47 ژ وان ھاتینە زیندانکرن.
ژێدەرێن نووچەیان یێن باکۆرێ کوردستانێ دیار کر؛ ھێزێن ئێمناھییێ یێن تورکیا د دو مەھێن بووری دا ل ناوچەدارییا ئەردیشێ یا سەر ب پارێزگەھا وانێ یا باکۆرێ کوردستانێ ڤە، ب سەدان جاران ب سەر مال و جھێن کاری یێن وەلاتییان دا گرتییە و تنێ د 22و رۆژێن بووری دا، نۆت وەلاتی دەستەسەر کرینە و ب سوچا ھاریکاریکرنا رێکخستنا پەکەکێ و ئەندامەتییا وێ، سزایێ زیندانکرنێ ب سەر 47 کەسان ژ وان دەستەسەرکرییان سەپاندییە.
دیار ژی کر؛ ھێزێن ئێمناھییێ تنێ ژ 5 بۆ 7ێ ڤێ مەھێ، بیست و نەھـ کەس دەستەسەر کرینە کو ژنەکا 86 سالی ژی د گەل دا یە، 23 ژ وان ب زیندانکرنێ سزا داینە و ھەوێن دەستەسەرکرنێ ل وێ ناوچەدارییێ بەردەوامن.

بابه‌تێن ب ڤێ مژارێ ڤه‌ گرێدای