ئەردۆغان: یەپەگە دا سنۆرێن مە یێن باشۆر داگیر کەت

ئەردۆغان: یەپەگە دا سنۆرێن مە یێن باشۆر داگیر کەت

WAAR-دهۆك:

سەرۆکێ کۆمارا تورکیا د سالڤەگەرا داگیرکرنا عەفرینێ دا دیار کر؛ گەر ئۆپەراسیۆنێن مە ل باکۆڕ سوورییێ نەبان، یەپەگە دا سنۆرێن باشۆرێ تورکیا ب تەمامی داگیر کەت.
رەجەب تەیب ئەردۆغان، سەرۆکێ کۆمارا تورکیا د سالڤەگەرا داگیرکرنا ھەرێما عەفرینێ یا رۆژئاڤایێ کوردستانێ دا ژ ئالییێ سوپایێ تورکیا و گرۆپێن ئۆپۆزسیۆنا سووریا یێن سەر ب تورکیا ڤە، راگەھاند: گەر سوپایێ تورکیا رێرەوێ یەکینەیێن پاراستنا گەل، یەپەگێ نەگرتبا و ئۆپەراسیۆنێن مەرتالا فراتی و چەقێ زەیتوونێ یێن قەتاندنا وی رێرەوی ل جەرابلوس و عەفرینێ دەست پێ نەکربان، نھا دا سنۆرێن تورکیا یێن باشۆر، ب تەمامی د داگیرکری بن.
ئەردۆغانی گۆت ژی: یەپەگێ ل عەفرینێ تۆنێلێن مەزن یێن چیمەنتۆیی درست کربوون کو ھندەک ئالییێن ھەڤپەیمانییا نێڤدەولەتی د ئاڤاکرنا وان دا ھاریکارییا وان کربوو، تایبەت فرەنسا کو کۆمپانییەکا وێ یا ناڤدار چیمەنتۆ بۆ یەپەگێ بەردەست دکر و ژوورێن ئۆپەراسیۆنان و ئەمبارێن چەکی ژی د وان تۆنێلان دا ھاتبوون ئاڤاکرن، لێ تورکیا د شێست و چوار رۆژان دا ئەو تۆنێلە ژناڤ برن و عەفرین کۆنترۆل کر.

بابه‌تێن ب ڤێ مژارێ ڤه‌ گرێدای