ئەردۆغان: وەکو مێھڤانەکێ تایبەتە دێ پێشوازیێ ل نێچیرڤان بارزانی کەم

ئەردۆغان: وەکو مێھڤانەکێ تایبەتە دێ پێشوازیێ ل نێچیرڤان بارزانی کەم

WAAR-دهۆك:

سەرۆکێ ھەرێما کوردستانێ ئەڤرۆ دێ سەرەدانا تورکیا کەت و سەرۆککۆمارێ تورکیا وەکو مێھڤانەکێ تایبەت دێ پێشوازیێ لێ کەت.
رەجەب تەیب ئەردۆغان، سەرۆککۆمارێ تورکیا د دیدارەکێ دا د گەل ھەژمارەکا رۆژنامەڤانان ل ستەنبۆلێ راگەھاند؛ ئەڤرۆ رۆژا ئەینی دێ پێشوازیێ ل مێھڤانەکێ تایبەت کەت، ئەو ژی نێچیرڤان بارزانی، سەرۆکێ ھەرێما کوردستانێ یە.
سەرەدانا نێچیرڤان بارزانی بۆ تورکیا، دێ بیتە سەرەدانا ئێکێ بۆ تورکیا و دەرڤەی وەلاتی، پشتی وەکو سەرۆکێ ھەرێمێ دەست ب کار بووی.
سەرەدانا سەرۆک نێچیرڤان بارزانی د وی دەمی دایە، پەیوەندیێن ب ھێز د ناڤبەرا ھەولێر و ئەنقەرە دا ھەنە، ھەر چەندە پشتی رێفراندۆما سەرخوەبوونا کوردستانێ ل ئیلۆنا دوھزار و ھەڤدێ، ئەو پەیوەندی سست ببوون، لێ قۆناغ بۆ قۆناغێ ئەو پەیوەندی ب ھێز کەفتن.
ل دەمێ دەستبکاربوونا نێچیرڤان بارزانی وەکو سەرۆکێ ھەرێما کوردستانێ، رەجەب تەیب ئەردۆغان، سەرۆککۆمارێ تورکیا د پەیوەندییەکا تێلەفۆنی دا پشتەڤانییا تورکیا بۆ ھەرێما کوردستانێ و نێچیرڤان بارزانی د پۆستێ وی یێ نوو دا دوپات کر.

بابه‌تێن ب ڤێ مژارێ ڤه‌ گرێدای