ئەردۆغان: دێ ب ھێزا سه‌ربازی ل سەر لێگەریانا پەترۆلێ بەردەوام بین

ئەردۆغان: دێ ب ھێزا سه‌ربازی ل سەر لێگەریانا پەترۆلێ بەردەوام بین

WAAR-دهۆك:

سەرۆکێ کۆمارا تورکیا بەردەوامییا لێگەریانێ ل پەترۆلێ ل بەراڤێن قوبرسێ و بکارئینانا ھێزا سه‌ربازی د دەما رێگرتنێ دا، راگەھاند.
رەجەب تەیب ئەردۆ‌غان، سەرۆکێ کۆمارا تورکیا راگەھاند؛ تورکیا دێ ل سەر لێگەریانا پەترۆلێ ل رۆژھەلاتێ دەریایا ناڤەراست بەردەوام بین و ئەو سنۆرێن ئاڤی یێن تورکیا نە و سوپایێ وان ژی ب ھەموو شیان ڤە ل وێرێ یە و دێ ئۆپەراسیۆنێن تورکیا یێن لێگەریانا ل پەترۆلێ پارێزیت و بەرسنگا ھەر بزاڤه‌كا رێگرتنێ گریت.
ئەردۆغانی ھەروەھا ھۆشداری ژ بریارا قوبرسێ یا دەستەسەرکرنا کەشتییێن سنۆرێ ئاڤی یێ قوبرسێ دبەزینن، دا و گۆت: ئالیێ ستافێن تورکیا یێن لێگەریانا پەترۆلێ دەستەسەر بکەن، دێ راستی ئەنجامێن نەچاڤەرێکری و ب ترس یێن کارێن خوە بن.
دەولەتێن گرۆپا مید 7 یێن باشۆرێ ئەورۆپا یێن ل سەر دەریایا رەش د گۆپیتکا خوە یا داویێ دا، داخواز ژ تورکیا کربوو لێگەریانێن خوە یێن نەشەرعی یێن پەترۆلێ ل دەڤەرا ئابۆری یا قوبرسێ یا دەریایا ناڤەراست براوەستینیت و داخواز ژ ئێکەتییا ئەورۆپا کربوو رێکاران ل دژی تورکیا بگریتە بەر.

بابه‌تێن ب ڤێ مژارێ ڤه‌ گرێدای