ئەبوبەکر بەغدادی پەیامەکا دەنگی بەلاڤکر

ئەبوبەکر بەغدادی پەیامەکا دەنگی بەلاڤکر

WAAR-دهۆك:

پشتی پێنج مەھان ژ دوماھی دەرکەفتنا ژ سالا ٢٠١٤ێ، ئەبوبەکر بەغدادی سەرکردەیێ رێکخستنا داعشێ پەیامەکا دەنگی بەلاڤکر و داخواز ژ چەکدارێن داعشێ کر ل سەر شەرکرنێ بەردەوام بن.
د پەیاما خوە یا سیھـ خولەکی دا، ئەبوبەکر بەغدا داخواز ژ چەکدارێن رێکخستنێ کر بەرگریێ بکەن و بۆ دەما پێنج سالان ل سەر شەرکرنێ بەردەوام بن.
بەغدادی د پەیاما خوە دا ئەوا سازییا ئەلفورقان بالێ راگەھاندنا داعشێ بەلاڤکر و تێدا ئاماژە ب کرنا ھێرشان ل ھەشت وەلاتێن جودا ل دژی نۆت و دو ئارمانجان کر و ناڤێن وان وەلاتان ژی ئینان یێن ھێشتا شانەیێن داعشێ تێدا ھەین ژ بلی ئیراق و سووریێ، ناڤێن ئەفغانستان، یەمەن، سۆمال، تۆنس و لیبیا ژی گۆتینە.
ھەر د پەیاما خوە دا بەغدادی داخواز ژ ئالیگرێن رێکخستنا داعشێ کر باش بن و وەک پێشەنگێن ئیسلامێ کار بکەن، ئەنجامێن کارێن خوە بۆ خودایی بھێلن.
ل دوماھییا نیسانا ئەڤسالە و بۆ ئێکەمین جار پشتی سالا ٢٠١٤ێ رێکخستنا داعشێ ڤیدیۆیەکا ئەبوبەکر بەغدادی بەلاڤکربوو کو دەما وێ ھەژدە خولەک بوون و تێدا راگەھاندبوو: شەرێ داعشێ، شەرێ مان و نەمانێ یە.

بابه‌تێن ب ڤێ مژارێ ڤه‌ گرێدای