ئێکەتییا ئەورۆپا ھۆشداری ل دۆر لێگەریانا پەترۆلێ دانە تورکیا

ئێکەتییا ئەورۆپا ھۆشداری ل دۆر لێگەریانا پەترۆلێ دانە تورکیا

WAAR-دهۆك:

ئێکەتییا ئەورۆپا ھۆشداری ل دۆر کارێن لێگەریانا پەترۆلێ و غازێ ل بەراڤێن قوبرسێ دانە تورکیا و راگەھاند؛ ئەو کار نەقانوونینە و دێ بەرسڤەکا گۆنجای ھەبیت.
فێدریکا مۆگرینی، وەزیرا کاروبارێن دەرڤە ل ئێکەتییا ئەورۆپا راگەھاند؛ ھەر 28 وەلاتێن ئەندامێن ئێکەتییا ئەورۆپا، پشتەڤانییا خوە بۆ قوبرسێ دیار کرییە، ھەموو ژی کارێن تورکیا بۆ لێگەریانا پەترۆلێ و غازێ ل دەڤەرا ئابۆری یا تایبەت ب قوبرسێ ڤە دلگرانن.
مۆگرینی داخواز ژ تورکیا کر خوە ئارام راگریت و رێزێ ل مافێن سەروەرییا قوبرسێ بگریت، داخواز ژی کر تورکیا چو کارێن نەقانوونی نەکەت کو ئێکەتییا ئەورۆپا نەچار بکەت رێکارێن پێدڤی دژی وێ بگریتە بەر.
رۆژا ئەینیا بۆری حکومەتا ئەنقەرە راگەھاند بوو؛ تا مەھا ئیلۆنا بھێت ئەو دێ دەست ب کار و چالاکییێن لێگەریانا پەترۆلێ و غازێ ل رۆژھەلاتا دەریا ناڤین دەستپێکەن، قوبرس ژی ئاشکرا دکەت، تورکیا وان چالاکییان ل دەڤەرا وان یا ئابۆری دکەت.

بابه‌تێن ب ڤێ مژارێ ڤه‌ گرێدای