ئێکەتییا ئەورۆپا سۆزا بەرسڤدانا لڤینێن تورکیا ل بەراڤێن قوبرسێ دا

ئێکەتییا ئەورۆپا سۆزا بەرسڤدانا لڤینێن تورکیا ل بەراڤێن قوبرسێ دا

WAAR-دهۆك:

ئێکەتییا ئەورپا لێگەریانا تورکیا ل پەترۆل و گازێ ل بەراڤێن قوبرسێ رەخنە کر و سۆز دا بەرسڤا وان لڤینان بدەت.
فدریکا موگرینی، وەزیرا دەرڤە یا ئێکەتییا ئەورۆپا راگەھاند: ل دۆر لڤینێن تورکیا د درەیایا ناڤەراست دا و لێگەریانا وێ ل پەترۆل و غازێ ل سنۆرێن دەریایی یێن قوبرسێ ، وێ ئه‌و بابه‌ت د گەل وەزیرێن دەرڤە یێن وەلاتێن ئێکەتییا ئەورۆپا گوتوبێژ کرینە و ھەموویان دوپاتی ل پشتەڤانیکرنا ھەلوەستا قوبرسێ کرییە.
موگرینییێ گۆت ژی: لڤینێن تورکیا ل بەراڤێن قوبرسێ و سنۆرێن ئاڤی یێن وەلاتێن دی نەیاسایی نە و وەزیرێن دەرڤە یێن وەلاتێن ئێکەتییا ئەورۆپا ژی داخوازێ دکەن تورکیا ئارامییێ رابگریت و رێزێ ل مافێن سەروەرییا قوبرسێ ل سنۆرێن وێ یێن ئابۆری یێن رەھا بگریت و خوە ژ ھەر رێکارەکا نەیاسایی دوور بێخیت، گەر نە، ئێکەتییا ئەورۆپا دێ ب ئاوایەکێ گونجایی و پشتەڤانییا تەمام یا قوبرسێ، بەرسڤا لڤینێن تورکیا دەت.

بابه‌تێن ب ڤێ مژارێ ڤه‌ گرێدای