ئێكەتییا ئافرەتان بۆ وار: ئافرەتا كوردستانێ‌ د ڤان كاودانان دا قوربانییا ئێكێیە

ئێكەتییا ئافرەتان بۆ وار: ئافرەتا كوردستانێ‌ د ڤان كاودانان دا قوربانییا ئێكێیە

وار – دهۆک :

جڤاتا ئافرەتێن پارێزگەها دهۆكێ‌ بۆ وار راگەهاند، زێدەباری كو ل ڤان كاودانان دا پرانییا هەلكەفتان نەهاتینە ساخكرن، لێ‌ بهەلكەفتا رۆژا جیهانییا ئافرەتان، ل پارێزگەها دهۆكێ‌ ئەڤ رۆژە دێ‌ ب كۆمەكا چالاكییان هێتە ساخكرن و ژمارەكا ئافرەتان دێ‌ هێنە خەلاتكرن.
شەپال حەسەن، بەرپرسا جڤاتا ئافرەتێن پارێزگەها دهۆكێ‌ بۆ وار راگەهاند، ئافرەتا كورد دڤان كاودانان دا گەلەك نەخۆشی دیتینە بیرەوەریێن بڤی رەنگی كو روودانەكا جیهانی یە و هاتییە بناڤكرن كو ئافرەت بگەهیتە مافێن خوە و هەر سالا ئەڤ هەلكەفتە بهێتە ساخكرن هندەك هیڤی و ئۆمێدێن خوە بینیتە جهـ ژبەرڤێ‌ یەكێ‌ ئەڤ رۆژە گەلەك گرنگە تایبەت وەكو ئافرەتێن كوردستانێ‌ ڤێ‌ رۆژێ‌ ساخبكەین.
شەپالێ‌ دیاركر ئیسال بڤێ‌ هەلكەفتێ‌ ل پارێزگەها دهۆكێ‌ ژمارەیەكا چالاكیان دێ‌ هێنە گێران چەندین بانگەوازی دێ‌ ب جهێن شۆلەژێ‌ هێنە دان بۆ خوەشكرنا ژینا ژنان و بجهئینانا مافێن وی و ئەڤێن مایی كا چەند هاتینە و چەند ماینە دێ‌ هەر دەنگێ‌ خوە بلند كەین و گەهینینە جهێن پەیوەندیدار.
بەرپرسا ئافرەتان دازانین ژی دڤان كاوداناندا ئافرەت زەرەرمەندا ئێكێ‌ بوویە تایبەت پشتی هاتنا تیرۆرستێن داعش ژمارەكا بەرچاڤا ئافرەتێن ئێزدی هاتینە رەڤاندن و ئەڤە وێ‌ مانایێ‌ دگەهینیت ئافرەت زەرە مەندا ئێكێ‌ یە دكاودانێن سیاسی و شەڕی دا ژبەرڤێ‌ یەكێ‌ دێ‌ لڤێ‌ رۆژێ‌ چەند چالاكیان گێرین.
بەرپڕسا جڤاتا ئافرەتێن پارێزگەها دهۆكێ‌ دیاركر كو چەندین سمینارل فێرگەهان دێ‌ لسەر تێگەهشتن و هۆشیاركرنێ‌ هێنە گۆتن ژمارەكا ئافرەتان ژى دێ‌ هێنە خەلاتكرن و هەلبەست دێ هێنه‌ خواندن و پیشانگەهەكا هونەری ب هەڤكاریا سەندیكا هونەرمەندێن كوردستانێ‌ لقا دهۆكێ‌ دێ‌ هێتە ڤەكرن.

بابه‌تێن ب ڤێ مژارێ ڤه‌ گرێدای