ئێكه‌م گه‌نجێ كورد ل هۆله‌ندایێ باوه‌رنامه‌یا راهێنانێ وه‌رگرت

ئێكه‌م گه‌نجێ كورد ل هۆله‌ندایێ باوه‌رنامه‌یا راهێنانێ وه‌رگرت

وار – دهۆک :

كوڕێ باژێرێ سێمێلێ و ره‌ڤه‌ندا كوڕد ل هۆله‌ندا و یانه‌یا هێرێنڤین یا هۆله‌ندی رێوان ئه‌مین زه‌رۆ شیا باوه‌رنامه‌یا راهێنانێ یا باوه‌رپێكری ل ئێكه‌تییا فیفایێ و هۆله‌ندایێ وه‌ربگریت.
لدۆر ڤێ یه‌كێ ئه‌مین زه‌رۆ بابێ یاریكه‌ر گه‌نج رێوان ئه‌مین تایبه‌ت بۆ رۆژنامه‌یا وار گۆت، پشتی بۆ ماوه‌یێ ئێك سال رێوانی پشكدار د قوتابخانه‌یا وه‌رزش ل باژێرێ هێرێڤین ئه‌وا ژلایێ ئێكه‌تییا ته‌پاپێی یا هۆله‌ندایێ ڤه‌ هاتییه‌ ڤه‌كرن و باوه‌رپێكرییه‌ ژلایێ ئێكه‌تییا فیفایێ شیا ب سه‌ركه‌ڤتیانه‌ باوه‌رنامه‌یا راهێنه‌ریێ وه‌ربگریت كو یا تایبه‌ته‌ بۆ راهێنه‌راتیا لاوان ئه‌ڤه‌ژیی دهێته‌ هژمارتن ئێكه‌م ره‌ڤه‌ندا كوڕد ل ئۆرۆپایێ ڤێ باوه‌رنامه‌یێ بده‌ستخۆڤه‌بینت. و گۆت ژی، پشتی بده‌ستڤه‌ئینانا ڤێ راهێنانێ ئه‌و دشێت راهێنه‌رتییا تیمێن لاوان ل هۆلندایێ بكه‌ت سه‌رایی هێشتا ئه‌و یاریكه‌رێ لاوانه‌، به‌لێ دێ بۆ سالا بهێت ژی به‌رده‌وامیێ ده‌ته‌ خواندنا خۆ ل قوتابخانه‌یا وه‌رزشی ژبۆ هندێ زێده‌تر باوه‌رنامه‌یان بده‌ستخۆڤه‌بینت، چنكو هیڤی و ئۆمێدێن وی د مه‌زن د بۆارێ وه‌رزشی دا، هه‌روه‌سان ئه‌مین زه‌رۆ كه‌یفخووشیا خۆ دیاركر كو وه‌كو كوڕده‌ك و خه‌لكێ پارێزگه‌ها دهۆكێ شیاییه‌ ئه‌ڤێ باوه‌رنامه‌یێ بده‌ستخۆڤه‌بینت و گۆت، یا بزه‌حمه‌ته‌ هه‌موو یاریكه‌ر دڤان جوره‌ خولان دا بسه‌ركه‌ڤن ژبه‌ركو دڤێت شاره‌زاهییه‌كا باش هه‌بیت و یاریكه‌ره‌كێ خودان شیان بیت، چنكو وانه‌یێن وان ب تیۆری و پراكتیكی دهێنه‌ گۆتن. لدوماهیێ ناڤبری هیڤی خواست پاشه‌رۆژه‌كا نێزیك دا كوردستان ببیته‌ وه‌لاته‌كێ سه‌ربه‌خۆ و هه‌لبژارتیێ كوردستانێ بهێته‌ پێكئینان و رێوان وه‌كو یاریكه‌ر و دیڤدا راهێنه‌ر خزمه‌تا وه‌لاتێ خۆ كه‌ت.
تێ زانین رێوان ئه‌مین خه‌لكێ باژێرێ سێمێلییه‌ و یاریكه‌رێ یانه‌یا هێرێنڤین و هه‌لبژارتیێ لاوێن هۆله‌نداێیه‌ بۆ ژیێ 19 سالییه.

بابه‌تێن ب ڤێ مژارێ ڤه‌ گرێدای