ئێكه‌م به‌ربژارێ كورد خوه‌ بۆ سه‌رۆككۆماریێ تۆمار كر

ئێكه‌م به‌ربژارێ كورد خوه‌ بۆ سه‌رۆككۆماریێ تۆمار كر

WAAR-دهۆك:

ئێكه‌م به‌ربژارێ كورد، ئه‌ڤرۆ سپێدێ ناڤێ خوه‌ ب فه‌رمی بۆ به‌ربژارییا سه‌رۆكاتییا كۆمارا ئیراقا فیدرال تۆمار كر.
ل گۆری ناڤه‌ندا راگه‌هاندنا په‌رله‌مانێ ئیراقێ، ئه‌ڤرۆ سپێدێ به‌ربژارێ كورد سه‌ردار عه‌بدوللا وه‌كو به‌ربژارێ سه‌ربخۆ، ناڤێ خوه‌ بۆ به‌ربژارییا سه‌رۆكاتییا كۆمارییا ئیراقێ تۆمار كر و سیڤیێ خوه‌ دگه‌ل داخوازییا پێشكێش كرنێ، راده‌ست كرن.
سه‌ردار عه‌بدوللا به‌ربژارێ كورد یێ سه‌رۆككۆماریێ بۆ وار پشت راست كر كو ئه‌ڤرۆ ئه‌و ئێكه‌م به‌ربژار بوو، داخوازی و سیڤیێ خوه‌ بۆ سه‌رۆككۆماریێ پێشكێش كری.
سه‌ردار عه‌بدوللا په‌رله‌مانتارێ به‌رێ یێ ئیراقێ و ئه‌ندامێ لژنه‌یا به‌رگریێ بوو ل خولا دوێ یا په‌رله‌مانی، هه‌روه‌ها سه‌رۆكێ فراكسیۆنا گۆرانێ بوو ل هه‌مان خولێ.
سه‌رۆكاتییا په‌رله‌مانێ ئیراقێ، ئه‌ڤرۆ ده‌رگه‌هێ به‌ربژاركرنێ بۆ سه‌رۆكاتییا كۆمارا ئیراقێ ڤه‌كرییه‌، ئه‌و پۆسته‌ ژی ب ئستحقاقا كوردان و پارتی دیمۆكراتی كوردستان دهێت هه‌ژمارتن، نها ژی، ناڤێ چه‌ندین كه‌ساتییان دهێت به‌حسكرن كو به‌ربژارن، ژ وان مه‌لا به‌ختیار، له‌تیف ره‌شید و به‌رهه‌م سالح ژ ئالیێ ئێكه‌تیێ، فازل میرانی ژ ئالیێ پارتی، هه‌روه‌ها سه‌لیم شۆشكه‌ی ژ ئالیێ كۆمه‌لا ئیسلامی كو ژ ئالیێ ئه‌مریكا ب تومه‌تا تیرۆرێ داخواز كرییه‌.

بابه‌تێن ب ڤێ مژارێ ڤه‌ گرێدای