ئێكه‌تییا زه‌لامێن كوردستانێ: ئه‌ڤساله‌ پێنج زه‌لام ژ بال ژنێن وانڤه‌ هاتینه‌ كوشتن

ئێكه‌تییا زه‌لامێن كوردستانێ: ئه‌ڤساله‌ پێنج زه‌لام ژ بال ژنێن وانڤه‌ هاتینه‌ كوشتن

Capture

وار – دهۆک :

د ئه‌ڤ ساله‌ دا 51 زه‌لامان خوه‌ كوشتییه‌ و پێنج زه‌لامێن دى ژى ژ بال ژنێن وان ڤه‌ هاتینه‌ كوشتن.
ل گۆره‌ى ئامارا رێكخراوا ئێكه‌تییا زه‌لامێن كوردستانێ كو دانه‌یه‌كا وێ ب ده‌ست ب (باسنیوز) كه‌ڤتییه‌، د هه‌یاما 10 مه‌هێن ئه‌ڤ ساله‌ دا 396 زه‌لامان ل هەرێما كوردستانێ، مافێن وان ژ بال ژنێن وان ڤه‌ هاتینه‌ پێشێلكرن، 51 زه‌لامان ژى خوه‌ كوشتییه‌ و پێنج زه‌لامێن دى ژى ژ بال ژنێن وان ڤه‌ هاتینه‌ كوشتن.
ل گۆره‌ى وێ ئامارا رێكخراوا ئێكه‌تییا زه‌لامان، ب هه‌ڤبه‌رى د گه‌ل سالا بۆرى دا، ل سالا 2014ێ، پێشێلكاریێن دژی زه‌لامان گه‌له‌ك زێده‌ بووینه‌. ل 1/1/2014ێ هه‌تا 1/11/2014ێ 396 كه‌یسێن دژ ب مافێن زه‌لامان هاتینه‌ تۆماركرن، كو د ناڤ وان دا 51 حاله‌تێن خوه‌كوشتنا زه‌لامان بووینه‌ و پێنج حاله‌تێن كوشتنا زه‌لامان ژ بال ژنێن وان ژى ڤه‌ هه‌نه‌.
ل گۆره‌ى ئامارێن رێكخراوا ئێكه‌تییا زه‌لامان د شه‌ش مه‌هێن دووماهییا سالا 2008ێ دا ب تنێ 33 كه‌یسێن توندوتیژییا دژى زه‌لامان هاتینه‌ تۆماركرن، لێ ل سالا 2009ێ ئه‌و هه‌ژماره‌ بۆ 59 كه‌یسێن توندوتیژیێ بلند بوویه‌، ل سالا 2010ێ ژى پێشێلكاریێن ل همبه‌رى مافێن زه‌لامان بۆ 86 كەیسان بلند بووینه‌، ل سالا 2011ێ ژى 111 كەیس هاتینه‌ تۆماركرن كو 59 كه‌یس ژ وان خوه‌كوشتنا زه‌لامان بووینه‌ و ژ بلى شه‌ش حاله‌تێن كوشتنا زه‌لامان ژ بال ژنێن وان ڤه‌ ب هاریكارییا كه‌سێن دى.
هه‌ر چ سالا 2012ێ یه‌، د وێ سالێ دا ل هه‌رێما كوردستانێ 163 كەیسێن توندوتیژییا دژى زه‌لامان هاتینه‌ تۆماركرن كو شەش حاله‌تێن كوشتنا زه‌لامان ب ده‌ستێن ژنێن وان و و 40 حاله‌تێن خوه‌كوشتنا زه‌لامان بووینه‌. ل سالا 2013ێ ژى 251 كەیسێن توندوتیژییا دژى زه‌لامان هاتینه‌ تۆماركرن كو حه‌فت ژ وان حاله‌تێن كوشتنا زه‌لامان ب ده‌ستێن ژنان و 55 حاله‌تێن خوه‌كوشتنا زه‌لامان بووینه‌.

بابه‌تێن ب ڤێ مژارێ ڤه‌ گرێدای