WAAR-دهۆك:
ئێكه‌تییا فوتبۆلا عیراقێ داخازا سێ ملیون دولاران ژ جڤاتا وه‌زیران كر بۆ دابینكرنا بهایێ هه‌ڤبه‌ستا راهێنه‌رێ بیانی بۆ هه‌لبژارتییێ عیراقێ ….. ئێكه‌تییا فوتبۆلا عیراقێ شتی كومبوونا خۆ یا ئاسایی به‌یاننامه‌یه‌ك به‌لاڤكرییه و تێدا ب نڤیساره‌كا فه‌رمی داخاز ژ جڤاتا وه‌زیران كرییه كو سێ ملیون دۆلاران بۆ ئینانا راهێنه‌ره‌كێ نوو یێ هه‌لبژارتییێ عیراقێ دابینبكه‌ن كو دێ بۆ دوو سالان هه‌ڤبه‌ست دگه‌لدا هێته گرێدان، د لایه‌كێ دییێ به‌یاننامه‌یێ دا هاتییه ئێكه‌تییا فوتبۆلێ لبه‌ره رۆژا 24 ڤێ هه‌یڤی ئاهه‌نگه‌كێ بهه‌لكه‌ڤتا بریارا راكرنا دوورپێچا نێڤده‌وله‌تی لباره‌گایێ خۆ لبه‌غدا بگرێیت وێده‌باری به‌ستنا كونگره‌یێ خۆ یێ ده‌سته‌یا گشتی لرۆژا شه‌مبیا بهێت، دهێته زانین ئێكه‌تییا فوتبۆلا عیراقێ راهێنه‌رێ ئه‌رجه‌نتینی گابریێل كامیرۆن هه‌لبژارتیه بۆ جهگرتنا راهێنه‌رێ دوورئێخستی رازی شنێشلی، به‌لێ وه‌زاره‌تا وه‌رزش و لاوان داخازا دووباره پێداچوونێ د هه‌لبژارتنا كامیرۆنی ژ ئێكه‌تییا فوتبۆلێ كرییه و هژماره‌كا راهێنه‌رێن دی وه‌ك زاكیرۆنی و شوسته‌ر و دوارتی و هێرمانی به‌ربژاركرینه بۆ ڤه‌كرنا گوتوبێژان دگه‌لدا.
التنبيهات: ئێكه‌تييا فوتبۆلا عيراقێ داخوازا 3 ملیون دۆلاران ژ جڤاتا وه‌زیران كرییه – كوردى پۆست