ئێزدییان پێدڤى ب سه‌رۆك بارزانى هه‌یه

جه‌عفه‌ر سمۆ :

گاڤا ئه‌م باسێ‌ پۆستێ‌ سه‌رۆكاتیا هه‌رێمێ‌ دكه‌ین، مه‌به‌ست نه‌ئه‌وه‌ كو ئه‌م ب زمانه‌كی پارتایه‌تی دپه‌یڤین، لێ‌ ئه‌ڤه‌ ده‌مه‌كه‌ چه‌ندین لایه‌نێن سیاسی هه‌موو كێشه‌یێن كوردستانێ‌ ب تایبه‌ت بارودۆخێ‌ ئیرۆ كوردێن ئێزدی تێرا ده‌رباز دبن ژبیركرینه‌ و هه‌موو خه‌باتا وان تنێ‌ بوویه‌ پرسا سه‌رۆكاتیا هه‌رێمێ‌.
ئه‌ڤێ‌ چه‌ندێ‌ وه‌كریه‌ كو كوردێن ئێزدی هنه‌كێ‌ ژڤان لایه‌نان بێ‌ ئۆمێد بن،چونكی پرانیا ئێزدیان نها دشینگرتینه‌ و چ مال ژ مالێن ئێزدیان ل ده‌ڤه‌را شنگال نینن كه‌چێن وان یان بووكێن وان دناڤا ده‌ستێ‌ درنده‌ترین رێكخراوا تیرۆرستی دا نه‌بن، باشتر بوو دڤێ‌ قوناغێ‌ دا ئه‌ڤ لایه‌ن پرسا ڤان گرتی و گۆرێن ب كۆمێن ئێزدیان ب ئازرینن و فشارێ‌ ل سه‌ر جڤاكا نێڤده‌وله‌تی بكه‌ن بۆ هندێ‌ ئه‌ڤا ب سه‌رێ‌ ئێزدیان هاتی وه‌كو جینۆساید بده‌ن ناسكرن.
هه‌گه‌ر ئه‌م ئه‌وێ‌ په‌قینا مه‌زن ئه‌وا ل گرعزێر و سیباشێخدر ل سالا 2007 وه‌كو فرمان ب هه‌ژمێرن ،تا نها دبنه‌ 74 فرمان ب سه‌رێ‌ ئێزدیان هاتین ،كه‌واته‌ نیڤا دووێ‌ ژ چه‌رخێ‌ بۆری و ل گه‌ل سه‌رهلدانا بابێ‌ رۆحیێ‌ نه‌ته‌وا كورد بارزانیێ‌ نه‌مر، ژنوو ئێزدیان هه‌ست ب هه‌بوونا خۆكر كو ملله‌ته‌ك یێ‌ هه‌ی خۆ ب خودانێ‌ ئێزدیان دزانت، ژبه‌ر هندێ‌ هه‌ر زوو پرانیا ئێزدیان به‌شداری شۆڕشیێن كوردی بوون، و بارزانی بوو قورتالكه‌رێ‌ ئێش و ئازارێن ئێزدیان، و ژهنگی ڤه‌ ئه‌ڤ مالبات بوویه‌ سه‌ده‌مه‌كا سه‌ره‌كی كو ئێزدی ل ڤی وه‌لاتی بمینن، ژبه‌ر هندی ژی هه‌ر ل ده‌ستپێكا سه‌رهلدانێ‌ سه‌رۆك بارزانی دخرڤه‌بوونه‌كا جه‌ماوه‌ری یا‌ مه‌زن دا ئێزدی ب كوردێن ره‌سه‌ن ئینان زمان.
نها ئاخڤتنه‌ك به‌ربه‌لاڤ دناڤا جادا ئێزدیان دا هه‌یه‌ كو تم دبێژن هندی مالا بارزان ل سه‌ر ده‌ستهه‌لاتێ‌ بن مه‌ترسی ل سه‌ر ئێزدیان نینه‌، وه‌ لێ‌ گاڤا ئه‌و ل سه‌ر كورسیكا ده‌ستهه‌لاتی نه‌مان هنگێ‌ وێ‌ ترسا ئێزدیان مه‌زنتر به‌،چونكی بارزانی وه‌كریه‌ پرانیا پێكهاتێن گه‌لێ‌ كوردستانێ‌ خۆ دبن سیبه‌را خیڤه‌تا عه‌داله‌تا وی دا هه‌مبێز بكه‌ن. ئه‌ڤجا ئه‌ڤ راگه‌هاندنا بێ‌ مه‌عنه‌ یا هنده‌ك لایه‌نێن سیاسی ل سه‌ر پرسا پۆستی سه‌رۆكاتیا هه‌رێمێ‌ گه‌له‌ك پێكهات ب ئێكجاری بێ‌ ئۆمێد كرینه‌، و پتر ژ هه‌مووان ئێزدی ئێخستینه‌ د مه‌ترسیێ دا ، ژئالییه‌ك دنڤه‌ هه‌گه‌ر ڤان لایه‌نان به‌رژوه‌ندیا ده‌ستكه‌فتێن كوردستانێ‌ ڤیابا وێ‌ ئه‌ڤ پرس پاشڤه‌ بربانه‌، چونكی سیاسه‌تا سه‌رۆك بارزانی وه‌كر كو دونیا ل هانا كوردان هات، و هه‌گه‌ر سه‌رۆك بارزانی دڤێ قوناغێ‌ دا سیاسه‌ته‌كا ژیرانه‌ ب كار نه‌ئینابه‌ وێ‌ كوردستان جاردی هه‌رفتبا،و هه‌ر كه‌س ڤێ‌ چه‌ندێ‌ دزانت، گه‌ره‌كه‌ گه‌لێ‌ كوردستانێ‌ قه‌بول نه‌كه‌ت په‌ڕله‌مان موزایداتان ب ده‌نگێ‌ وان بكه‌ن، بلا په‌ڕله‌مان وی مافی ژخه‌لكی نه‌ستینت، چونكی هه‌گه‌ر مه‌ره‌مێن خراب نینن، دیاره‌ باوه‌ری ب خه‌لكێ‌ كوردستانێ‌ و ئه‌وێن ده‌نگێ‌ خۆ داینێ‌ نینه‌.
پێتڤی یه‌ رایه‌دارێن ئێزدی ژی دڤێ‌ پرسێ دا بێ‌ هه‌لویست نه‌مینن هه‌ر سه‌ر ب چ لایه‌ن ڤه‌بت، چونكی گاڤا ئێزدی دوپاتیێ‌ ل مانا سه‌رۆك بارزانی دكه‌ن، مه‌ره‌م نه‌ئه‌وه‌ وه‌كو سه‌رۆكێ‌ پارتی ره‌فتارێ‌ ل گه‌ل ڤی بابه‌تی دكه‌ن ، به‌لكو ئه‌و رژدى بۆ هندێ‌ یه‌ تنێ‌ سه‌رۆك بارزانی یه‌ بكارت ڤێ‌ ره‌وشا خراب و ێران یا ئێزدیان چاره‌ بكه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.