ئێرلەندا.. مرییەکی گرنژین خستە سەر لێڤێن کەس و کارێن خوە

WAAR-دهۆك:

سەربازەکێ ئێرلەندی بەری بمریت، دخواست د رێورەسمێن ڤەشارتنا تەرمێ وی دا، گرنژین ل سەر لێڤێن کەس و کارێن وی بیت، لەورا ریکۆردەکا دەنگی ل پشت خوە هێلا.
شای برادلی، ئێک ژ سەربازێن بەرنیاس یێن بەرگرییا ئێرلەندا بوو، بەری ژیانا خوە ژ دەست بدەت ل دەمێ هەڤڕکی دگەل نەخوەشیێ دکر، دخواست پشتی ئەو دمریت د رێورەسمێن ڤەشارتنا تەرمێ وی دا، کەس و کارێن وی خەمگین نەبن، ریکۆردەکا دەنگی ل پشت خوە هێلا بوو و داخواز کربوو، ل دەمێ ڤەشارتنێ، ریکۆردا دەنگی بهێتە هەلکرن.
د ریکۆردا دەنگی دا، برادلی ب رەنگەکێ کۆمێدی و هەروەک کەسەکێ حێبەتی سلاڤ دکەت و پاش دبێژیت، ڤێرێ تاری یە، من ژ ڤێ سندۆقێ بیننە دەرڤە و دبێژیت، من گوهـ ل دەنگێ کەنیێ وە هەیە، من ژ ڤێرێ بیننە دەر.
ب وێ ریکۆردا دەنگی، مرادا برادلی بجهـ دهێت، هەموو کەسێن ل گۆڕستانێ ئامادە بووین، دکەنە کەنی و ڤیدیۆیا رێورەسمێن ڤەشارتنا وی، نها ب ملیۆنان کەسان ل یۆتیۆبی دیتییە.

 

بابه‌تێن ب ڤێ مژارێ ڤه‌ گرێدای