ئیمامئۆغلویی بھایێ لیرەیی بلند کر

ئیمامئۆغلویی بھایێ لیرەیی بلند کر

WAAR-دهۆك:

پشتی سەرکەفتنا بەربژارێ جەھەپێ د ھەلبژارتنێن ستەنبۆلێ دا، بھایێ لیرەیێ تورکیا و بۆرسەیا تورکیا بلند بوون.
ئاژانسێن تورکیا راگەھاند: پشتی دوبارەسەرکەفتنا ئەکرەم ئیمامئۆغلو، بەربژارێ پارتییا گەل یا کۆماری، جەھەپێ د ھەلبژارتنێن دوبارەکری یێن شارەدارییا مەزن یا ستەنبۆلێ دا، لیرەیێ تورکی پشتی چەندین شکەستن و داکەفتنێن ل دووف ئێک، جارەکا دی جار بلند بوو و ھەر دۆلارەکی ب پێنج لیرە و حەفتێ و ئێک قرۆشان سەرەدەری د گەل دا ھات کرن و داوی جار لیرە گەھشتی وی بھایی، ل ھەژدەیی مەھا نیسانێ بۆ دەما ئیمامئۆغلویی بەلگەنامەیا شارەدارییێ وەرگرتی کو د ھەلبژارتنێن ئێکێ یێن شارەدارییا ستەنبۆلێ دا سەرکەفتبوو، لێ ژ بەر رەتکرنا ئەنجامێن وان ھەلبژارتنان، جارەکا دی بھایێ لیرەیی داکەفتبوو ڤە.
ھەڤدەم پشتی سەرکەفتنا ئیمامئۆ‌غلویی ئاماژەیا بۆرسەیا تورکیا ژی بلند بوو و پشتی داکەفتنێن ل دووف ئێک یێن دەما بووری، جارەکا دی ئێک پۆینت شەش ژ سەدێ بلند بوو.

بابه‌تێن ب ڤێ مژارێ ڤه‌ گرێدای