ئیماراتییەک چەندین هندییان زیندان دکەت دا کۆ پشتەڤانییا ئیماراتێ بکەن

ئیماراتییەک چەندین هندییان زیندان دکەت دا کۆ پشتەڤانییا ئیماراتێ بکەن

WAAR-دهۆك:

وەلاتییەکێ ئیماراتی رابوویە ب زیندانکرنا چەندین کرێکارێن هندی و ل سەر وان دسەپینیت کۆ پشتەڤانییا تیما وەلاتێ وی ئیماراتێ بکەن.

د گرتە ڤیدیۆیەکێ دا کۆ ب شێوەیەکێ زێدە ل تۆرێن جڤاکی بەلاڤ بوویە، وەلاتییەکێ ئیماراتی رابوویە ب زیندانکرنا چەندین کرێکارێن هندی د قەفەسەکا گیانەوەران دا و ل سەر وان دسەپینیت کۆ پشتەڤانییا هەلبژارتیێ تەپاپێی یێ وەلاتێ وی ئیماراتێ بکەن.

د وێ ڤیدیۆیا دا وەسا دیار دبیت کۆ ئەو کەسە خوەدان کار و پرۆژەیە و چەندین کارمەند و کرێکارێن هندی دگەل دا کار دکەن، لێ ئەو رابوویە ب زیندانکرنا وان د ناڤا قەفەسەکا گیانەوەران دا، ژبەرکۆ هەلبژارتییێ وەلاتی وی د کۆپا ئاسیا دا کەفت بوو هەمبەری هەلبژارتییێ وەلاتێ هندێ، ئەو ژی پرسیارێ ژ وان کارمەندان دکەت، هوون پشتاڤێن کیژ هەلبژارتینە، ئەو هندییە د بەرسڤێ دا دبێژن ئەم پشتەڤانێن هندێ ینە، لێ ئەو ب ڤێ چەندێ رازینابیت و دبێژیتە وان ئەگەر هوون هەر پشتەڤانییا وەلاتێ خوە بکەن ئەز دێ هەوە ل ناڤ وێ قەفەسێ بهێلم، پێدڤیە هوون پشتەڤانییا وەلاتێ ئیماراتێ ب کەن، ژبەرکۆ هوون نها ل سەر ئاخا ئیماراتێ کار دکەن و دژین، پاشی ئەو ئیماراتییە دوبارە پرسیار ژ وان هندییان دکەت، نها هوون پشتەڤانێن کێ نە، ئەو ژی ب نەچاری ڤە دا کۆ ژ وێ زیندانێ رزگار ببن دبێژن، ئەم پشتەڤانێن ئیماراتێ نە.

پشتی ئەڤ ڤیدیۆیە ب شێوەیەکێ گەلەکێ مەزن ل تۆرێن جڤاکی بەلاڤ بووی و کارڤەدانێن مەزن پەیدا کرین، پۆلیسێن باژارێ شاریقە راگەهاندن؛ ئەو کەسە ب وێنەگرێ وی ڤە هاتینە گرتن و نها لێکۆلین دگەل دا دهێت کرن.

ھەردو تیمێن ئیمارات و ھندستانێ د چارچووڤەیێ کۆپا نەتەوێن ئاسیا دا  یاری دگەل ئێک کربوو کۆ د ئەنجام دا هەلبژارتییێ ئیماراتێ شیا بوو ب ئەنجامێ 2-0 سەرکەفتنێ ل سەر هەلبژارتییێ ھندستانێ بینیت.

بابه‌تێن ب ڤێ مژارێ ڤه‌ گرێدای